Popular Bible Verses from Ɛ̍sɔ̍dɔ̍ɔ̄ 20

Share

“Ya̍ cho̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍ ni̍. Ya̍ so̍li̍ nya̍ o̍ lɛ̄ŋndē I̍chi̍pīle̍ŋ ni᷄ŋ ni̍, nāa̍ nya̍ wa̍ o̍ bīyɔ̄ɔ̍ ni᷄ŋ nda̍. “Lā so̍o̍lūū mɛ̄lɛ̄ka̍ o̍ mɛ̄lɛ̄ka̍ chēle̍ŋ o̍ ya̍ kɔ̍ɔ̍lī le̍.

“Lā to̍o̍sīāā vēla᷅ŋ nyɛ̄ o̍ nyɛ̄ mī lā sōōlu̍u̍ ndu̍ māā mɛ̄lɛ̄ka̍ nyā le̍, nyɛ̄m wāā chōo̍ cho̍o̍ ni̍, nyɛ̄m wāā o̍ chi̍e̍ēŋndo̍ chōo̍ ni̍, nyɛ̄m wāā o̍ mɛ̄ŋnda̍ŋ bɛ̄ŋgu̍ ni̍. Lā tu̍ndu᷄ŋ mɛ̍lɛ̄ka̍ o̍ mɛ̄lɛ̄ka̍ chēle̍ŋ o̍ lābɛ̄ŋgu̍ ni̍ŋ le̍ ndu̍ sōōlūūwo̍ le̍, kɛ̄lɛ̄ŋgāā ni᷅ŋ te̍, mī lā sāāŋgi̍a̍l ndu̍, kāni̍ fo̍ndōle̍, ya̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍, Mɛ̄lɛ̄ka̍ pāŋa̍lɛ̍i̍yo̍ ya̍ I̍ cho̍ ni̍. Wānāa̍ tu̍l la̍ lēyɛ̄ wa̍, wānāā kāŋ chūāūwāā ndāa̍ ni̍, a̍ chūāūwāā ndāā ma̍māa̍, ndu̍yɛ̍ a̍ chūāūwāā ndāā ma̍māā kāŋ chūāūwāā ndāā ma̍māa̍, dɛ̍nɛ̍ pālāa̍ ya̍ I̍ tu̍sī nda̍ chōo̍ ni̍, le̍ yɔ̄ŋ wɔ̄ɔ̍ŋ fi̍nyāā ndāā kāŋ ā tōsa̍ ko̍ŋ ndo̍.

“Lā ke̍ fi̍nyāā nyāa̍ a̍ kālāa̍ nyāa̍ bɛ̄ɛ̄le̍ŋ, ko̍ŋ to̍sā ni̍ mī lā vīōū yōōmū o̍ lɛ̄ŋndē ya̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍ cho̍ nya̍ kīo̍o̍ le̍ŋ ni᷄ŋ.

“Lā lōōnu̍ŋ a̍ pāa̍le̍ nīle̍ pɛ̍ŋgīāāle̍ŋ mī lā kɛ̄si̍ le̍ŋ māā pāa̍le̍ kāsī.

“Ya̍ cho̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍ ni̍. Wānā o̍ wānā ve̍e̍lū dīōlā nīla̍ŋ o̍ fo̍ndō fu̍u̍wo̍ chōo̍ le̍. Wānā o̍ wāna̍ ve̍e̍lu̍ dīōlā nīla̍ŋ o̍ fo̍ndō fu̍u̍wo̍ chōo̍ pɛ̍, ya̍ Mɛ̍lɛ̄ka̍ Ya̍a̍wɛ̄ɛ̄, dɛ̍nɛ̍ pa̍lāa̍ ya̍ I̍ tu̍sī ndu̍ chōo̍ ni̍.

Lā nɔ̄ pālɛ̍i̍ ī ŋɔ᷄mpu᷅m o̍ lɔ̍ɔ̍ bɛ̄ŋgu̍ le̍ wa̍lta̍ nyāla̍ŋ tōsāa̍. Kɛ̍ o̍ pāa̍le̍ ŋɔ̍mmɛ̍ū le̍ŋ chōo̍, lā to̍sā wa̍li̍ o̍ wa̍li̍ le̍cho̍ō le̍, fo̍ndōle̍, ya̍ Mɛ̍lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ nyāa̍, pāa̍le̍ nīle̍ pɛ̍ŋgīāāle̍ŋ le̍ cho̍ le̍ŋ ni̍. Pāa̍le̍ le̍ŋ, wānā o̍ wānā nɔ̍ mā to̍sa̍ wa̍li̍ o̍ wa̍li̍ le̍cho̍ō le̍, nya̍ pi̍la̍ ni̍, chūāūwāā nyāa̍ ni̍, bu̍ɛ̍i̍yāā nyāā pi̍a̍a̍ndūa̍a̍, a̍ ā lāāndūa̍a̍ ni̍, nāūvāā nyāā wa̍a̍ ni̍, wānāā lēkāa̍wa̍a̍ cho̍ nya̍ tɛ̄ɛ̄ŋ o̍ lɛ̄ŋndē nyāle̍ŋ ni᷄ŋ nda̍ ni̍, lā to̍sā wa̍li̍ o̍ wa̍li̍ pa̍a̍le̍ le̍ŋ te̍. Lā nɔ̄ mī lā pɛ̄ŋgi̍ o̍ pāa̍le̍ le̍ŋ.

“Lā lu̍ɛ̍ī lēhɔ̄l o̍ nyɛ̄ wānā le̍. Chīɛ̄ī ndɔ̄ ni̍, la̍a̍ ndɔ̄ ni̍, bu̍ɛ̍ī ndɔ̄ pi̍a̍a̍ndū, kɛ̄lɛ̄ŋgāā ō lāāndū ni̍, nāū ndɔ̄ ni̍, sōfɛ̍lɛ̍ ndɔ̄ ni̍, kɛ̄lɛ̄ŋgāā nyɛ̄ o̍ nyɛ̄ ndɔ̄ che᷅le̍ŋ, lā lu̍ɛ̍ī ndu̍ lēhɔ̄l te̍.”

“Lā tɛ̍ndāl chāa̍ŋ nya᷄ se̍īlē lāka̍fā le̍.

“Lā su̍u̍ndā nya̍ wāna̍ nya̍ cho̍ o̍ nɔ̄ ni̍ŋ nya̍ ndu̍ le̍ wo̍ le̍.

“Lā di̍ī wāna̍ chi̍o̍o̍ o̍ fo̍ndō fu̍u̍wo̍ chōo̍ le̍.

“Lā yɔ᷅ŋ lēvīī le̍.