Popular Bible Verses from Luonmtieb 3

Share

k mɑɑn nifosɑɑli kul tun biit k fɔk nɑn dontl nbɑ k Yennu luon wun tul’b nɑ. Yennu ninkpɑbɑɔnŋ pɑɑk e k u yet ɑ b tie niŋɑnm u tuɑnn. L tie piini e, k mɑɑn Yiesu Klistu pɑ b pɑɑk k nyinn’b biit dɑɑbs ni.

Yennu te k nisɑɑli kul nbɑ tien Yiesu *Klistu yɑdɑ nɑ e tie niŋɑnm u tuɑnn. L tie nɑ e k tul bin nbɑ kul nbɑ tien Yiesu Klistu yɑdɑ nɑ

Yennu e din luon k Yiesu n muɑn u sɔn k lii tie *mɑlunŋ, k mɑlunŋ pɑɑk, k Yiesu n gɑɑl biit nyikcɑbu k tul bin nbɑ kul tien’ɔ yɑdɑ. Nnɑ e k Yennu din luon wun wɑnn bɑnnu nbɑ k u tie bɑlmɔni dɑɑnɔ: siɑn yuo u din mɔk suklu. U din k dɑt nisɑɑli tubɑ b biit pɑɑk. Ŋɑɑn mɔtɑɑnɑ u wɑnn bɑnnu nbɑ k u te k nisɑɑli tie niŋɑnm u tuɑnn k mɑɑn u luon wuu tie bɑlmɔni dɑɑnɔ kii biɑ kii te k nisɑɑli i tie niŋɑnm u tuɑnn bɑɑ tien Yiesu yɑdɑ nɑ pɑɑk.

Suɑ kɑɑ k sɑɑ fit tien niŋɑnɔ Yennu tuɑnn, wɑɑ wei senni nɑ nbɑ senn biɑnŋ nbɑ nɑ pɑɑk, ŋɑɑn senni nɑ pɑɑk e te k nifosɑɑlk bɑnn nɑn u tuun biit.

nɑn lɑɑ diɑn Yennu lolkpel kɑdɑɑɔk ni ɑ: «Suɑ kɑɑ k tie niŋɑnɔ, ɑɑi, nɑn yenɔ kuɑ wɑɑ. Suɑ kɑɑ k mɔk minu, suɑ kɑɑ k kpɑɑn Yennu. Suɑ kul kpet sɔnu nbɑ ŋɑn nɑ wɑɑ, k b kul bot ɑ. Suɑ kɑɑ k tuun bonŋɑnn, suɑ kɑɑ nɑn yenɔ kuɑ wɑɑ gbɑɑ.

T duki k yien ɑ nisɑɑlk yɑdɑ tienu pɑɑk e k Yennu yet ɑ u tie niŋɑnɔ, k l k tie ɑ wɑɑ wɑɑ senni nɑ pɑɑk kɑɑ.

Aɑi, l k wɑnt nnɑ kɑɑ. Niib kul i bo i tie fɑi dɑnm, ŋɑɑn Yennu ŋɑnin tie bɑlmɔnpɑklɔ e, nɑn lɑɑ diɑn Yennu lolkpel kɑdɑɑɔk ni ɑ: «L i tie k ɑ piɑk, b sɑɑ lɑ k ɑ mɔk mɔni, k b i bu ɑ buut, ɑ biɑ di mɔni e.»