Popular Bible Verses from Luonmtieb 12

Share

I dɑɑ te k i binbenŋ tie nɑn tingbounŋ nɑ niib binbenŋ nɑ, ŋɑɑn ŋɑɑnt k Yennu n lebt i dudukt nɑn bɑlmɔni, kii ŋɑnm i binbenŋ fɑnu. Ŋɑnn e k i sɑɑ bɑnn Yennu yɑnbuɑt nbɑ tie bɑnnu nbɑ, k ŋɑnn e tie lin nbɑ ŋɑn, lin nbɑ gbuot u nunm nɑn lin nbɑ tie dede.

L pɑɑk, n nɑɑ wɑɑs, Yennu ninbɑtinu pɑɑk e te k n boi’i ɑ yin jii i gbɑnɑnt k tul’ɔ, k lii tie mɑnnu nbɑ fo, kii wɑɑ ŋuɑ kuukuɑ, k l sɑɑ mɑnŋ’ɔ. Ŋɑnn e tie Yenjiɑntu nɑn bɑlmɔni.

Ii mɔk pɑlpienn i dindɑnn pɑɑk mɑn, kii mɔk mintl i fɑldinu sinsuuk ni, ŋɑɑn kii mei Yennu yuo kul.

Dɑɑ ŋɑɑnt k biit n nyɑnn’ɑ ni, ŋɑɑn jii tuonŋɑnɑ k nyɑnn biit.

Ii luon lieb mɑn bonŋɑnn nɑn nilɔ nɑn u nɑɑ bik nbɑ tuu luon lieb biɑnŋ nbɑ nɑ, k kot kii bɑɑkt lieb

Ŋɑɑnt k lonm i tie bɑlmɔni lonm. Ii nɑn biit mɑn, ŋɑɑn suol lin nbɑ ŋɑn.

I yɑbl i mɔnŋ pɑɑk mɑn l i tie k l sɑɑ fit kii be bɑnnu nbɑ k mɑnu sii be yinm nɑn niib sinsuuk ni.

N yɔnimɔni, i kpɑn dɑɑ tuun biit k jiint biit pɑɑk, ŋɑɑn ŋɑɑnt k Yennu wutuol n tun, k mɑɑn l diɑn Yennu lolkpel kɑdɑɑɔk ni, ɑ Yonmdɑɑnɔ yet ɑ: «Min kuukuɑ e mɔk yiikuo nbɑ sɑɑ dɑt niib tubɑ. Min e sɑɑ pɑ biit mɑnŋ pɑnn.»

kii tie nikɑkti, k dɑɑ tiin gbɑn-nyɑkl, ŋɑɑn kii tuun Yonmdɑɑnɔ tuonɑ nɑn i pɑlɑ kul ɑ.

Yennu nbɑ tin’n ninbɑɑɔk nɑ pɑɑk e, k n yien i kul, ɑ i dɑɑ duki i mɔnŋ po k l gɑl yɑɑ set tie bɑnnu nbɑ, ŋɑɑn ii duki i mɔnŋ po nɑn sikn-n-mɔnŋ, k i ni suɑ kul i duki u mɔnŋ po nɑn Yennu nbɑ tul’ɔ yɑdɑ bɑnnu nbɑ nɑ.

I dɑɑ tuun biit k jiint biit pɑɑk. Kotl i mɔnŋ kii tuun lin nbɑ k niib kul sɑɑ lɑ k l ŋɑn.

Ii mɔk mɑn dudukyenn kuɑ k dɑɑ mɔk dont-n-mɔnŋ, ŋɑɑn kii sɑɑk tuonɑ nbɑ k mɔk dont-n-mɔnŋ, k dɑɑ duki nɑn i mɔk nin-yentl.

L biɑ diɑn ɑ: «A dɑtɑɑk i mɔ kon, fɑn din’ɔ, nyun-nyuklu i suol’ɔ, fɑn tul’ɔ nyun wun nyu, k fi i tie nnɑ, ɑ dint’ɔ fei e.»

Bin nbɑ muks’i, yin jiin’m ɑ: «Yennu yetŋɑnm ii be i pɑɑk.» Mɔmɔnm, ii jiin’m nnɑ. I dɑɑ tien’m mɔpol gbɑɑ. Wun nbɑ mɔk pɑlpienn, ii mun i mɔk pɑlpienn nɑn’ɔ mun, k wun nbɑ mun mɔk pɑlbiil, ii mun i mɔk pɑlbiil nɑn’ɔ mun.

Pɑɑtl mɑn lin nbɑ k i mɔk nɑ k tul Yennu niib nbɑ k mɔk, kii gɑɑn sɑɑnm kii cɑntl’b i ŋei ni.

Tɔn, nilɔ gbɑnɑnt mɔk pɑɑk pɑɑk e, ŋɑɑn k bɔkl kul mɔk u tuonn, ŋɑɑn tɑɑn k tie gbɑnɑn-yent kuɑ. L mun biɑ tie nnɑ e, nɑn tɑɑ yɑb bonciɑnn nɑ, t kul tɑɑn k tie gbɑnɑn-yent e tɑɑ be *Klistu ni nɑ, k t kul ɑ nɑ gbɑnɑnt tɑɑn tɑɑn k tukn k ji tien gbɑnɑn-yent ɑ.