Popular Bible Verses from Luonmtieb 11

Share

Yennu e din nɑn bonsiɑl kul, k u pɑɑk e k l kul be k tie u yɑl. Yudɑnt tie Yennu yɑl e nɑn yuo nbɑ kɑɑ gbennu. * Amenn.

Yennu mɔktuk set k mɔk gbennu! K u yɑn nɑn u bɑnnu sumi hɑli! Ŋmee sɑɑ fit bɑnn Yennu nbɑ lol lin nbɑ? Ŋmee sɑɑ fit bɑnn u sɔni?

L diɑn Yennu lolkpel kɑdɑɑɔk ni ɑ: «Ŋmee mi Yennu dudukt i? Ŋmee sɑɑ kpɑɑn’ɔ?

L tie nnɑ e mɔtɑɑnɑ. Niib wɑɑnm-nnɑ e dɑɑ be k Yennu lukt’b u ninkpɑbɑɔnŋ pɑɑk. Yennu i lukt niib, u ninkpɑbɑɔnŋ pɑɑk e, k u lukt’b, k l k tie b tuonɑ pɑɑk kɑɑ. Yennu i bo i lukt niib b tuonɑ pɑɑk i e, u ninkpɑbɑɔnŋ nɑ bo kii tie bɑlmɔni ninkpɑbɑɔnŋ kɑɑ.

Suifnbɑ nɑ tie nɑn ŋɑɑk ni tiik nbɑ k b yi oliifie nbɑ ŋɑn nɑ e, k b kɔnn tiik nɑ yiinsiɑ. Fin nbɑ k tie Suif nɑ, ɑ tie nɑn muuk ni oliifie yiinu nɑ e k b tukn’ɑ b yiɑl ni ŋɑɑk ni oliifie pɑɑk, k mɔtɑɑnɑ ɑ gɑɑn bonŋɑnn nbɑ nyi ŋɑɑk ni oliifie nɑ jiinɑ nɑ ni e. L pɑɑk, ɑ dɑɑ mɔk pɑlbifɑɑnt nɑn sinsinn yiini nɑ. Dɑɑ mɔk pɑlbifɑɑnt, k mɑɑn ɑ tie yiinu kuukuɑ e. Jiinɑ nɑ e diɑ’ɑ, fin kɑɑ diɑ jiinɑ.