Popular Bible Verses from Romàtɔwo 8

Mi gbà nya cã be ènu sia ènu hɛ̃nà ènyuɛ̃ vana na àmè kèwo lɔ̃nà Mawu a, àmè kèwo be yɔ, zɔ̃ ɖo yebe ɖoɖo nua.

Ɛ̃ɛ, mù kã ɖo e ji be èku, àlo àgbè, àtikplɔtɔwo, àlo jiɖùɖuwo, ènu kèwo lè fifìawo, àlo ekèwo la ɖɛ vaawo, ŋusɛ̃wo, ekèwo lè èji hũi, àlo ekèwo lè ègũwo be ètù mè, àlo ènuɖoɖo buwo, ènu ɖekpekpe mu la teŋu klã mi jo lè Mawu be lɔ̃lɔ̃ kè be ɖè fiɔ lè mia Tɔhonɔ̀ Yesù Kristò mèa ŋuti ò!

Nène a ke ye Gbɔ̃gbɔ̃ Kɔ̀kɔ̀ɛ a cã va dona àlɔ̀ mi, lè miabe gbɔ̀jɔ̀gbɔjɔ mè, ɖo, mi mu nya àlekè mi ɖo la nɔ̀ fãkue ɖo ò. Gbɔ̃gbɔ̃ a ŋutɔ blìbɔ̀nà ɖo mia ta kudo àlenana kè wo mu teŋu gblɔ̃ òa.

Ènyà kɛ ye mi la gbà gblɔ̃ ò? Ne Mawu lè mia jia, àmè kɛ ye la sitè ɖo mia ŋuti ò?

So fifìa, hùɛgbledo ɖekpe mu gbà lè na àmè kèwo lè Yesù Kristò mè ò.

Ŋutilãnuwo yomè jèje a nyi èku, vɔ̀, Gbɔ̃gbɔ̃ Kɔ̀kɔ̀ɛ mè-nuwo yomè jèje a nyi àgbè kudo fàfa.

Lè ekèawo keŋu mèa, mi wu èjiɖùtɔwo ŋutɔ cã, to àmè kè lɔ̃ mia ji.

Mù susu be xixe kèa mè be àyàɖùɖuwo mu sù ne woa sɔ wo sɔ̀ ku gogo kè wo la va ɖè fiɔ lè mia mèa ò.

Àmè kɛ ye la klã mi jo lè Kristò be lɔ̃lɔ̃ a ŋuti ò? Èfũkpekpe, àlo veve sèse ye à? Yomètĩtĩ àlo àdɔ̀ wù àmè ye à? Èhiã, àfɔ̀ku àlo èku ye à?

Eye àmè kè kãnà àmèwo kpata be èjì mè kpɔa, nya Gbɔ̃gbɔ̃ Kɔ̀kɔ̀ɛ a be susu, ɖo Gbɔ̃gbɔ̃ a blìbɔ̀nà ɖo àɖèsãmewo ta, zɔ̃ ɖo Mawu be èjro ji.

Àmè kèwo Mawu be Gbɔ̃gbɔ̃ le kplɔ̀awo ye nyi Mawu be èviwo.

Nyàwo ye be nyi be, àmè kèwo lè ŋutilã be èse gɔ̃mèawo jènà ŋutilã be ènuwo yomè, vɔ̀a àmè kèwo lè Gbɔ̃gbɔ̃ Kɔ̀kɔ̀ɛ a be *èse gɔ̃mèawo jènà Gbɔ̃gbɔ̃ a be ènuwo yomè.

Àmè kè mu gbe ye ŋutɔ be Èvi sɔsɔ na ò, vɔ̀ e sɔ ɛ̀ na fàa, ɖo mia kpata mia taa, leke wɔ̀ ye, mu la sɔ ènuwo keŋu kpe ɖo e ŋuti na mi ò?

Gbɔ̃gbɔ̃ kèa ŋutɔ ɖù ɖase na miabe gbɔ̃gbɔ̃ be, mi nyi Mawu be èviwo. Ne mi nyi èviwoa, mi nyi ècrɔ̃ɖùtɔwo cã. Mawu be ècrɔ̃ɖùtɔwo, ècrɔ̃ɖùtɔwo kudo Kristò, ɖo ne mi ɖù àyà kudo èa, mi la kpɔ gomè lè yebe gogoa cã mè.

Đo ŋutilã be èjrowo nyi àglajèje ɖo Mawu ŋuti; mu lɔ̃nà bɔ̀bɔ̀nà ɖo Mawu be èse gɔ̃mè ò. Mu la teŋu ì ŋutɔ cã ò.

Đo a, Mawu be ènuɖoɖowo le nɔ̀tè veve ɖe kpɔ Mawu be èviwo be ɖèɖèfiɔ

Ɛ̃ mi nya ɛ̀ be Mawu be ènuɖoɖowo kpata le ŋɛ̃, eye wo le le èku, kaka va na fifì.