Popular Bible Verses from Romàtɔwo 6

Đo, èvuɛ̃ be fɛ̃tu ye nyi èku. Vɔ̀a, Mawu be ènu nana fàa nyi àgbè màvɔ lè ɖèka wɔ̀wɔ kudo Yesù Kristò mia Tɔhonɔ̀ mè.

Đo, kè mì mu gbà lè èvuɛ̃ be *èse gɔ̃mè òa, màje mè ye mì lè. Nène a, ènuvuɛ̃ mu la gbà ɖùfìɔ ɖo mìa ji ò.

Kè wo lè mawusi na mi to yebe èku mèa, wo ɖì mia cã kudo è, àleke be, kè Àta be gogoa fɔ̃ Kristò so àmè kukuwo dòmèa, mia cã mi la gbà nɔ̀ àgbè yeye ku ì.

Mì mu gbà nɔ ɖè àsi lè mìabe ŋutinuwo ŋuti ne woa nyi èvuɛ̃ be jɔ̀jɔɛ màwɔ̀ be èdɔwɔ̀nuwo ò. Vɔ̀ bòhũa, sìgbè àmè àgbè-àgbè kèwo trɔ gbɔ̀ so èku mè nènea, mì sɔ mìa ɖokoewo ku mìabe ŋutinuwo wɔ̀ jɔ̀jɔɛnyinyi be èdɔwɔ̀nuwo na Mawu.

Mia sè e mè nyuɛ̃ ɖe be: wo ka miabe ŋutilã xoxoa ɖo àtisòga ŋuti ku ì, ne woa sɔ crɔ̃ ènuvuɛ̃ be ŋutilã kèa, àleke be mi mu gbà nyi èvuɛ̃ be àmè pèplè ke ò.

Nène a ke, mìawo cã mì bù mìa ɖokoewo be yèwo ku na èvuɛ̃, vɔ̀a, mì gbà lè àgbè na Mawu, lè ɖèka wɔ̀wɔ mè kudo Yesù Kristò.

Eŋuã leke mi le gblɔ̃ koŋu ò? Mi la gbà kpɔ̀tɔ̀ nɔ̀ ènuvuɛ̃ mè, ne màje bèa sùgbɔ ɖo e jia? Gbèɖe! Àleke mi, àmè kèwo ku na ènuvuɛ̃a, mi la gbà kpɔ̀tɔ̀ nɔ wɔ̀ èvuɛ̃ ɖo ò?

Mì mu nya be, ne mì jo mìa ɖokoewo na àmè ɖe sìgbè kluviwo nène, ne mìa nɔ wɔ̀ ɖo yebe èjro jia, mì trɔ zũ nènemea be kluviwo lè èvuɛ̃ kè kplɔ̀nà àmè yì èku mè, àlo, lè ètonu sèse kè kplɔ̀nà àmè yì jɔ̀jɔɛnyinyi mè òa?

Mi do àkpe na Mawu be: mì nyi èvuɛ̃ be kluviwo sãa, vɔ̀a, mì sɔ mìabe èjì blibo ɖo èto ènufiɔfiɔ ɖèka kè wo na mìa kpata fàa. Ekè mì vò so èvuɛ̃ sia, mì trɔ zũ jɔ̀jɔɛnyinyi be sumɔ̃viwo.