Popular Bible Verses from Èhàwo 91

Share

E gblɔ̃nà na Tɔhonɔ̀ be: “Wò nyi àpe ètabèpe kudo àgbògbò. Mawu kè ŋuti mù ɖona ŋù ɖoa.”

Àmè kè bɔ̀bɔ̀ nɔ̀ ànyi lè Mawu èjihũitɔ, ŋusɛ̃kpatatɔa be wlapea, la nɔ̀ yebe vɔ̃vɔ̃lì gɔ̃mè.

Ne e yɔ mù a, mù la tɔ̀ na ɛ̀. Mù la nɔ̀ kudo è lè gbledo hùenu. Mù la tu èkà na ɛ̀ eye mù la do bùbu e ŋuti.

Ɖo Tɔhonɔ̀ la do ègbè àsi na yebe àtikplɔtɔwo ɖo ŋuti wò ne woa kpɔ èji wò lè àpo èmɔ̃wo kpata ji.

E la sɔ yebe àwà cɔ̃ ji wò, eye wò la ɖè èjì ɖɛ lè yebe àwàdawo gɔ̃mè. Yebe nyàwototo ku ànùkua la nyi àkpoxɔ̀nu na wò.

Ɖo wò sɔ Tɔhonɔ̀, Mawu gã, kè le nyi àpo ètabèpea, wɔ̀ nɔ̀pe. Sukpa ɖekpe ma kpe wò ò, nènea ke èdɔ̀ vuɛ̃ ɖekpe ma gogo àpo nɔ̀pe ò.

Ɛ̃ɛ, dodo Mawu la ɖè wò to lè xèviletɔa be èmɔ̃ mè, la gbà hlùɛ̃ wò lè èdɔ̀ vuɛ̃ si mè.

Àgbètɔ sìgbè àkpe ɖèka nène la nɔ jè ànyi lè àpo àhàdamè, eye àkpe èwo la jè ànyi lè àpo ɖùsi mè. Vɔ̀a ènu ɖekpe mu la kãfɛ̃ wò ya ò.

Nène a, wò mu la gbà vɔ̃ ènu ɖe lè èzã mè kaka la vɔ̃ àŋùti kèwo le zrò lè ŋùkèkè mèa ò. Nène a ke èdɔ̀ vuɛ̃ crɔ̃-àmè kè le ɖìsà lè vìvìti mè àlo èdɔ̀ cage-àmè kè gblena ènu dɔ̃ŋùkusu jàsea, mu la do vɔ̃vɔ̃ na wò ò.