Popular Bible Verses from Èhàwo 103

Share

Ɛ̃ɛ, mù jro la do àkpe na Tɔhonɔ̀ eye nyè mu la ŋlɔ̀be yebe ɖàgbè wɔ̀wɔ ɖekpe ò.

Àmè kè sɔna nuvuɛ̃ nyèwo kpata kènà eye e dànà èdɔ̀wo kpata na mù a. Àmè kè ɖè àpe àgbè to lè cɔ̃crɔ̃ mè eye e sɔ hòmèfà lɔ̃lɔ̃ kudo màje sɔ cɔ̃ èta na mù. E nana mù ènu nyuɛ̃wo mù ɖùnà ɖɔnapò. Ekèa nana àpe ɖèkajɛ mè gbìgbɔ̀ wɔ̀nà yeye sìgbè èhɔ̃ tɔ̀ nène.

Mù jro la do àkpe na Tɔhonɔ̀, mù jro la do àkpe na Mawu kɔ̀kɔea so kaka èjì mè ke.

Sìgbè àlekè ètɔ kuna ŋuzĩzĩ na èviawoa, nène ye Tɔhonɔ̀ kuna ŋuzĩzĩ na àmè kèwo dona bùbu e ŋutia yeŋu.

Sìgbè àlekè èwèzɛ̃pe dìdì lè èwèɖoxɔ̀pe gbɔa, nène e ɖènà miabe àgɔ̀jèjewo joa yeŋu.

Tɔhonɔ̀ nyi ŋuzĩzĩ ɖèɖe gbà nyi màje ɖèɖe, mu bina èjì veku-veku ò, e nyi hòmèfatɔ gã ɖe.

Mu wɔ̀nà kudo mi ɖo miabe vuɛ̃wo nu ò, nènea ke mu dɔ̃nà èto na mi ɖo miabe àgɔ̀jèjewo ta ò. Ɖo sìgbè àlekè jiŋùkusi lè boo lè ànyigbã gbɔa, nène sɔ̃ŋu yebe lɔ̃lɔ̃ lè na àmè kèwo dona bùbu e ŋutia.

Tɔhonɔ̀ li yebe fìɔzìkpea ɖo jiŋùkusi, yebe fìɔɖùɖu ɖù ènuwo kpata ji.