Popular Bible Verses from Màteo 28

Mì yì ne mìa fiɔ ènu dùkɔ̃wo keŋu, ne woa trɔ zũ àpe nukplaviwo. Mì lè mawusi na wo, lè Àta ku Èvia kudo Gbɔ̃gbɔ̃ Kɔ̀kɔ̀ɛ a be nyikɔ mè. Mì fìɔ wo ènu, ne woa wɔ̀ ɖo ènu kèwo keŋu mù fiɔ mìa ji. Kpɔɖa, mù lè ku mì kaka sɔ na xixea be vɔ̀vɔnu.”

Yesù tètè gogo wo, gblɔ̃ ènyà kèawo na wo be: “Wo sɔ ŋusɛ̃ kè lè jiŋùkusi ku ànyigbã jia kpata do àsi na mù.

Vɔ̀a, àtikplɔtɔa gblɔ̃ na nyɔ̃nùawo be: “Mìawo yaa, mì mu gbà vɔ̃ ò, ɖo mù nya be Yesù kè wo ka ɖo àtisòga ŋutia ye mì le ji. Mu lè fikèa ò, ɖo e fɔ̃ so èku sìgbè àlekè ye ŋutɔ gblɔ̃ na mì sãa nène. Mì va kpɔ àfi kè wo sɔ ɛ̀ mlɔ̃ a ɖa.

Wàlɛbɛ ŋua, Yesù to na wo be: “Mì mu gbà vɔ̃ ò, mì yì, ne mìa to na nɔ̀vi nyèwo be woa yì Galilea; funu ye wo la kpɔ mù lè.”

*Mawunɔ gãwo ku èdùmèmègãwo bɔ̀, bù èta mè so ènyà kè gbãdãgbãwo va gblɔ̃ na woa ŋuti. Wo na ègà sùgbɔ gbãdãgbã kèawo, bla èse ku wo be: “Mì to na àmèwo be: 'Yesù be nukplaviwo zɔ̃ èzã va fĩ yebe àmètia, wàlɛbɛ kè mi le dɔ̃ àlɔ̃a.' Eye ne dùjiɖùtɔa gbà sè cã a, mi la fa ɛ̀, eye wo mu la do nupo na mì ò.” Gbãdãgbãwo xɔ̀ ègàa, wɔ̀ ɖo ènu kè wo fìɔ woa ji. Eye ènyà kèa kãkã ɖo Yudàviwo dòmè kaka va na egbè.