Popular Bible Verses from Màteo 18

Đo àfi kè àmè èvè àlo àmè ètɔ̃ bɔ̀ ɖo du lè nyikɔ nyè mèa, mù lè woa dòmè.”

“Mù gbà le to na mì be, ne àmè èvè lè mìa dòmè, bɔ̀ ɖo du lè ànyigbã ji, biɔ ènu ɖekpekpea, Ètɔ nyè kè lè jiŋùkusia, la wɔ̀ ɛ̀ na mì.

Yesù yɔ ɖèvi ɖe, sɔ ɛ̀ ɖo tè lè woa dòmè, gblɔ̃ na wo be: “Nyàwo mù le to na mì, ne mì mu ɖɔ̀lì èdɛ̃, nɔ̀ sìgbè ɖèviwo nène òa, mì mu la ɖo Mawu be fìɔdua mè ò.

Ye ŋutia àmè ɖekpekpe kè la bɔ̀bɔ̀ ye ɖokoe sìgbè ɖèvi kèa nènea, nènemea ye la nyi àmègã lè Mawu be fìɔdua mè.

Eye àmè kè la xɔ̀ vifɛ̃ kèa hati ɖèka, lè àpe nyikɔ mèa, ènyè ŋutɔ ye be xɔ̀.”

“Nyàwo mù le to na mì, ènu ɖekpekpe kè mì la bla lè ànyigbã jia, wo la bla ɛ̀ lè Mawu be fìɔdua mè, eye ènu ɖekpekpe kè mì la tu lè ànyigbã jia, wo la tu ì lè Mawu be fìɔdua mè.”

“Nènea ke ye Ètɔ nyè kè lè jiŋùkusia la wɔ̀ ku mìa cã, ne mìa dòmètɔ ɖe mu sɔ kè nɔ̀via so kaka èjìmè òa.”

“Vɔ̀a, àmè ɖekpekpe kè la dɔ̃ ɖèvi kèwo xɔ̀ ji nyè sèawo dòmètɔ ɖe la wɔ̀ ènuvuɛ̃a, ne wo sɔ ète gã ɖe bla ɖo èkɔ̀ na ɛ̀, sɔ ɛ̀ dãŋùgbe ɖo àpù be gũ mè cã a, e la nyɔ na ɛ̀ wu.

“Nukɛ ye mì kpɔ so ènyà kèa ŋuti ò? Ne àmè ɖe ɖo àlɛ̃ èkà èvè takpo eye ɖèka bu lè woa dòmèa, mu la tàsi ɖèka to lè èkà èvè takpoa mè ɖo ètoa ji, la yì ji ɖèka kè bua òa?