Popular Bible Verses from Yosùa 10

Share

Eye dɔ̃ŋùkusu ku wètriawo tɔtè woabe àzɔ̃lìa kaka va na wàlɛbɛ kè ye wo biɔ Gabaɔ̀n bè èdùa bè èhlɔ̃ yebe kɛ̃tɔwo vɔ̀a. Sìgbè àlekè wo ŋlɔ̀ ɛ̀ ɖo àmè jɔ̀jɔɛa be xoma mè nène be: Dɔ̃ŋùkusua tɔtè ɖo jiŋùkusi be dòdò mè eye mu pu dù yì ɖo èxɔ̀ kaka xɔ̀ ŋùkèkè ɖèka.

Nène a ye Yosùa pò nupo na Tɔhonɔ̀ gbè ŋua gbè kè Tɔhonɔ̀ ɖè Àmorìtɔwo do àsi na Izràɛlviwo eye e gblɔ̃ lè Izràɛlviwo kpata be ŋùkɔ̀ be: “Dɔ̃ŋùkusu ne tɔtè ɖo Gabaɔ̀n ji tututu, wètri ne tɔtè ɖo Ayalɔ̀n be bàlìa be tamè!”

So kaka gà ŋua mèa, ŋùkèkè bu mu lè kè sɔ̀ ku ŋùkèkè kè ye Tɔhonɔ̀ sè ègbè na àgbètɔ ò (wɔ̀ ɖo àmè be jro ji), ɖo Tɔhonɔ̀ le wɔ̀ àhùa na Izràɛl.

Tɔhonɔ̀ gblɔ̃ na Yosùa be: “Mu gbà vɔ̃ ò, ɖo mù ɖè wo do àsi na wò; eye ɖekpe mu lè woa dòmè kè la nɔ̀tè lè ŋùkɔ̀ na wò ò.”

Yosùa gblɔ̃ na wo be: “Mì mu gbà vɔ̃ ò eye mì mu gbà tàsi mìa ɖokoewo na kɛ̃tɔawo ò. Mì wɔ̀ kãlì ne mìa sɛ̃ŋu, ɖo nènea ye Tɔhonɔ̀ la wɔ̀ ku mìabe kɛ̃tɔ kèwo mì la kpe àhùa kudoa yeŋu.”