Popular Bible Verses from Yɔb 1

Share

Nène a, Yɔb sitè. E zɛ̃ yebe àwùwo lè èkɔ̀, eye e plɔ èta na èfũlòlo be jèsì. E yomè a, e jèklò, sɔ ŋùkumè cɔ̃ ànyi. E gblɔ̃ be: “Mù to lè ènɔ̀ nyè be àdɔ̀ mè àma-àma. Mù trɔ le yì ànyigbã be ètù mè àma-àma. Tɔhonɔ̀ ye na, Tɔhonɔ̀ ye gbà trɔ xɔ̀ ɛ̀. Àkpe na Tɔhonɔ̀!” Lè gbledo kèawo kpata mèa, Yɔb mu wɔ̀ àgɔ̀jènu ɖekpe ò. Mu kã ŋùmè na Mawu cã ò.

Ŋusù ɖe nɔ̀ Us be èdùa mè kpɔ. Wo yɔna ŋusùa be Yɔb. E nyi àmè jɔ̀jɔɛ, eye ŋùmèkãkã ɖekpe mu lè e ŋuti ò. E dona bùbu Mawu ŋuti eye e nanasà èvuɛ̃.

Tɔhonɔ̀ gblɔ̃ na ɛ̀ be: “Eŋuã wò le ŋuku ɖo sumɔ̃vi nyè Yɔb ŋuti à! Àmè ɖe mu lè, sɔ̀ kudo è lè ànyigbã a ji ò. Àmè jɔ̀jɔɛ be nyi, ŋùmèkãnu ɖekpe mu lè e ŋuti ò. E dona bùbu ŋuti nyè, eye e nana àsà èvuɛ̃.”

Tɔhonɔ̀ gblɔ̃ na èhùɛdotɔa be: “E nyɔ, kpɔ ŋusɛ̃ ɖo ènu kè lè e sia ji, vɔ̀ mù gbà tɔ àsi yebe àgbè ò.” Nène a ye èhùɛdotɔa jo lè Tɔhonɔ̀ gbɔ.