Popular Bible Verses from 1Samuɛl 17

Share

David ɖo e ŋuti na Filistì ŋusùa be: “Èwò ya, wò sɔ èwui, èhuã ku àkplɔ̀ gbãnà gbɔ nyè, vɔ̀a, ènyè ya, Tɔhonɔ̀ Ŋusɛ̃kpatatɔ kè be àhùakɔ̃ wò le dovloa ye nyi àhùawɔ̀nu kè nyè ya, mù sɔ la kpã ŋùkɔ̀ wò.

Eye Izràɛl be dùkɔ̃a keŋu la nya be mu nyi èwui, àlo èhuã ye Tɔhonɔ̀ hiã, la sɔ na jiɖùɖu àmè ò. Ɖoa, àhùa kèa, Tɔhonɔ̀ tɔ̀ ye be nyi, eye, Tɔhonɔ̀ ŋutɔ ye la sɔ mì do àsi na mi.”

David gbà gblɔ̃ be: “Tɔhonɔ̀ kè ɖè mù to lè jãŋùta ku gbète be fèsuwo mèa kè ye la gbà hlùɛ̃ mù gã so Filistì ŋusù kèa cã si.” Saolò ɖo e ŋuti na David be: “Eŋuã yì. Tɔhonɔ̀ ne nɔ̀ ku wò.”

Egbèa kea, Tɔhonɔ̀ la sɔ wò do àsi na mù. Mù la ɖù ji wò, eye mù la ɖè èta lè èkɔ̀ na wò. Egbèa kea, mù la sɔ Filistìtɔwo be àhùakɔ̃wo mètɔwo be ŋutilãwo na àyamè-xèviwo ku ànyigbã ji-lãwo la ɖù. Eye dùkɔ̃wo la nya be Mawu lè Izràɛlviwo si nyàwo.

David sɔ yebe èkpòa, cã èkpe kèwo ŋuti zɔ̃ nyuɛ̃ ɖe a lè ètɔ̀ sàsra mè. E sɔ wo do yebe àlɛ̃kplɔ̀tɔ be àkpòa mè. David sɔ yebe rɔba-tu ɖo àsi, eye be zɔ̃, kpã ŋùkɔ̀ Filistì ŋusùa.

David gblɔ̃ na Saolò be: “Èfìɔ bùbùtɔ, àmè ɖekpe mu gbà sò àdìka ɖo Filistì ŋusù kèa ŋuti ò. Ènyè sumɔ̃vi wòa, mù la yì kpe àkɔ ku ì.”