Popular Bible Verses from Juges 6

Share

Ti-Dindaan tuuŋŋu nìn lēē ŋu-ba ki dàkā-u ní ki bí-u yii: «Ti-Dindaan bí a-cee, ubaatandaan!»

Niinee ní ti-Dindaan fātì u-watil pú ní ki bí-u yii: «Nì mpɔn ŋun a cáá nee, cùú já kí fīī Isirayeel yab Madiyan yab ŋaan! Man di kaa tú-saaa?»

Ní ti-Dindaan kíí-u yii: «M làá nīn bí a-cee ní á já kí pɔ̄ɔkiǹ Madiyan yab kɔkɔ dicilpu kii bi sá unibambaantee.»

Ní Geedeeyɔn bí-u yii: «M gbāam̀-si, m-kpiliu. An yaa sá yii ti-Dindaan lafun bí ti-ceeyee, ba pu ní tin bí nee kɔkɔ bāań-ti? Atuŋkpaan ŋin ti-baabi nìn máafì-ti yii ti-Dindaan nìn ŋáaǹ ki tīī-bi u nín nìn nyántìń-bi Eejipiti tiŋkinee bí la sɔ̀? Too, kɔŋkɔnnee ti-Dindaan fātì u-boon ki tīī-ti, ní ki dū-ti ki ŋá Madiyan yab ŋaan.»

Ní Geedeeyɔn bí-u yii: «M gbāam̀-si, m-kpiliu, mana ní m làá ŋmā kí fīī Isirayeel yab? Manasee naakookun ti nín pēē pēē mmaal puee, man maaliŋun yab di pátì. Kí kūtèe, man di pée sá kiwaŋwaai m-baa dicaŋkun.»

Ti-Dindaan tuuŋŋu nìn dɔ́miń ki kāl̀ teereebinti subu bubɔ taapu, Oofiraa tiŋkin. Joowaasi un sá Abiyeeseer maaliŋunee di nìn yì busubu gbanti. U-jipɔɔn Geedeeyɔn nìn bí ki gbáà bilee dibɔbil din poon bi tà fiinyi biliŋ ki lèekī ndamamee, Madiyan yab ń taa ká-u.

Ní Geedeeyɔn máń nsaraafan ŋubɔ mpaan gbanti pu ki tīī ti-Dindaan ní ki pú-ŋu diyindi yii <Ti-Dindaan sá ŋgbansɔŋfi>. Nì díǹ pu nee, nsaraafan gbanti dáá gbíntìi yú Oofiraa, Abiyeeseer tiŋki kiba poon.

Ní Geedeeyɔn bí-u yii: «M yaa lafun ká diyimɔɔl a-ceeyee, á dàkà-mi kudaaŋŋu kubɔ ḿ béé yii tilafuŋman sii di bíi sòoǹ nì mi.

Ní ti-Dindaan bí-u yii: «Ŋgbansɔŋfi ń nīn bí a-cee! Taa fàŋkì báà tiba, aa làá kpú.»

Isirayeel yab tí ŋá tin kaa kítì ti-Dindaan ceeyee. An pu ní ti-Dindaan dū-bi ki ŋá Madiyan yab ŋaan abin aluli.