Popular Bible Verses from Galates 6

Share

Tí taa gīī kí gbèen̄ tiŋan diŋál. Ti-wunti yaa kaa yɔ̄tì, ŋyunti yaa láa bāań, ti làá dāá fōō tipaal.

Míǹ puee, ŋyunti ŋun poon ti cáá mpaan nee, tí nīn ŋáań báà ŋma tiŋan, ama cilinjee tí nīn ŋáaḿmaan timbi nì bin pēē nnimbɔtisanee tiŋan.

Ní nīn tútúǹ tɔb ni-gìŋ́ŋi poon, mimmee, ni bíi ŋáań min Kriisitoo marau lēe dee.

Taa nín̄ kíiĺmaan ni-ba: baa gbíilíǹ Unimbɔti. Di sá yii kun unil yaa búĺee, kúǹ ní u dāa cēē.

Un ŋáań min u-bimbikpitim lèe búĺ u-bimbikpitim dee, ní kí dāá cā ŋkúm. Ama un ŋáań min Circir Fam lèe búĺ Circir Fam dee, ní kí dāá cā dimaŋfal din kaa kúntée.

Nnabiyaamu, ni yaa cúú ubɔ bíi ŋáań ikpitee, nimbi bin Unimbɔti Fam kpòotēe ń ŋá soooo kí gíiǹ-u nsammɔnti poon, ní kí nīn kpèé ni-ba tiŋan ki mun ń taa lítí ni-ba.

Ubɔ yaa dākafì yii u bí tiban ní kaa bée, udaan kíiĺ u-ba ní. Báà ŋma ń cɔ̄ŋkì u-ba kí kpèè u-tuuŋŋi, ní u yaa làá nín gāā u-bindaaa, ú gāā an nīn sá úǹ u-ba ŋmaniŋma tuuŋŋi pu. Ú taa dū kí ŋmàntīǹ u-jutiibi yaŋ pu. Di sá yii báà ŋma máaǹ kí kpèè u-ba bɔti ní.