Popular Bible Verses from 2 Rois 2

Share

Bi dūtì ki dóòyee ní Eelii bí Eeliisee yii: «Bàlifì-mi kun a là ḿ ŋá kí tīī-see kí wàatī ḿ yīkì a-cee kí nīn jɔ́ḿ!» Ní Eeliisee kíí yii: «M là kí fōō ŋfam min a cááyee mili pu ní!»

Ŋyunti ŋun bi pée bíi còom̄ ki cá ki gbáà faawiiyee, ní tɔrɔkub bin sá ŋŋmee nì itaamu in sá ŋŋmee dɔ́miń ki cúú-bi ki yākatì. Dicilpu niinee ní an yōoǹ Eelii ki dūu dī kunaakpaabuŋŋun ki cáa jɔ́m̀ yilpu.

Ní Eelii bí yii: «Tin a bālifèe pɔ̄ɔ̄ á ká. Ama a yaa bí ki ká-mi ŋyunti ŋun ní ti-Dindaan làá yòon̄-mi a-cee kí cáá jɔ̄m̀ee, a làá ká kun a bālifèe. Ama a yaa kaa ká-mi, mimmee aa làá ká dee.»

U yōoǹ dibɔkutikpaandee ní ki dūu fáá mbunee nyim ki lī yii: «Ti-Dindaan Eelii Nimbɔtiuee bí la ní?» U fáá nnyim mimmee ní mi cúu yākatì mili ní nsan dōoǹ ní u jítì.

Eeliisee nín ká mimmee ní u kíĺ ki bíi kūuntí yii: «M-baa! M-baa! A nìn jítiǹ Isirayeel janjatɔrɔkub nì u-tanjakaliibi kɔkɔ!» Ŋyunti ŋun waa ti wāĺ Eeliiyee ní u cúú u-wampeeŋkaati ki dáaĺ ki cátì mili pu.

Niinee Eelii cúú u-bɔkutikpaandi ki pēetì, ní ki kúntì ki dūu fáá mbunee nyim, ní nnyim cúu yākatì mili ní nsan dōoǹ ní bi-liitil cōom̀ ki dūtì.

Ti-Dindaan nín nìn làá yòon̄ Eelii ki cáá jɔ̄m̀ yilpu kunaakpaabuŋŋunee, tin nìn jítèe sɔ̀. Eelii nì Eeliisee nìn yíkì Giilgaal ki còom̄ dicilpu ki cá.