Popular Bible Verses from 2 Corinthiens 5

Share

Un nì Kriisitoo ŋá ubaantee kpántì unipɔɔn dee, tin sá tikpikilee jítì, tipɔn di kíǹ ki bí.

Timbi kɔkɔ puee, Unimbɔti yāntì Kriisitoo un kaa ŋá ikpiti ki kée fōō timbi kpitii, án nín làá ŋá pu u-puee, tí kpántí deedeedambi Unimbɔti nimbiinee.

Ti fōō Unimbɔti nín lī puee ní ki kíí, taa láá ká nì ti-nimbiliŋ.

Unimbɔti di ŋá míǹ kɔkɔ. U dī Kriisitoo pu ki yāntì ti nì u mɔ́ɔkì ní ki dū ditundi nee ki ŋá ti-ŋaan yii tí cáań binib u nì bi ń mɔ̄ɔkì. Di sá yii Kriisitoo pu ní Unimbɔti dī ki cáań binib ní u nì bi mɔ́ɔkì, kaa fātìi tɔ́ bi-kpitii in bi ŋée pu. U dū dimɔɔkil gbanti tundi ki ŋúbiǹ-ti tí sòoǹ nì binib.

An puee Kriisitoo nyɔkɔpu ní ti làá sòoǹee, a lì kii Unimbɔti u-ba di dī timbi pu ki yíì-nee. Ti dū Kriisitoo ki gbāam̀-ni, ní kíí kí yàntī ni nì Unimbɔti ń mɔ̄ɔkì.

Úǹ di kpíì ti-kɔkɔ pu, án nín làá ŋá pu bin bí dimaŋfalinee ń taa nín̄ bí ki tīī bi-ba, ama bí nīn bí ki tīī un kpíì ki fīkitì bi-puee. An puee taa ti kpèé ubɔ nniyaamin. Ki kpáaǹ dooooyee ti yaa nìn kpèé Kriisitoo nniyaaminaaa, kɔŋkɔnnee taa ti kpèé-u míǹ.

Kriisitoo neendi di jíń mpaan timbi pu, timbi bin nyí yii unibaanti di kpíì ti-kɔkɔ puee, mimmee ti-kɔkɔ mun kpíì deeyee.