Popular Bible Verses from 1 Timothée 6

Share

Á já kujamɔntiiu kun sá fookii jaakuee, kí cúú dimaŋfal din kaa kúntée. Di sá yii tíǹ pu ní Unimbɔti yíiń-si á béé-ŋu ŋyunti ŋun a nìn sòon̄ a nín fōō ki kíí kunipaau nimbiin miŋyee.

Di sá yii nnimbineel di cāabìń mbusub kɔkɔ. Biba nín néeń animbil puee, bi dū nnimbɔtisan ki fá ki dū bi-ba ki kɔ́ǹ dinimbinaamandin tikpil.

Tiŋman, nnimbɔtisan lafun sá tigaajakpaandi ní, ŋyunti ŋun ní an mɔ̄ǹ-si tin a cááyee puee.

Ti dɔ́miń duulinya nee ni nì iŋaŋkulim ní, míǹ ní ti làá dāá fàtīí tí gítí nì iŋaŋkulim.

Á kpāafì bin cáá tigaajati duulinya nee nee yii bí taa nín̄ cáá dilambil, kí taa nín̄ máká bi-gaajati tin kaa làá nīn bí ki cá jaanjaanee pu. Ama bí dū bi-mákal kí ŋá Unimbɔti un di pūǹ-ti tikɔkɔ nì tikɔkɔ tikpil tikpil tí nīn bí mmɔnnee ni.

Ama bin nimbiliŋ máǹ tigaajati puee làá kɔ́ icɔŋkin kí lítí, ní nnimbitaataam tiwan tikpil pu min kaa cáá taapu ki cāabìń diwaŋkilee sàtī-bi kii kutaliŋŋuee. An di téekí binib ki cáǹ asaluun ki nàantí-bi.

Bí nīn ŋáań tiŋan. Bi-gaajawanti nín wīikí puee, bi-tummɔntiiŋi mun ń nīn wīikí míǹ, bí nīn cáá tiniti ki yàkatī tin bi cááyee nì bin kíǹee. Bi yaa ŋá mimmee, bi kōontí tigaajamɔntiil tin kaa bíiĺee ki sīintí án nīn dɔ̄ ki cí-bi foolboon dee, ní bí ŋmā kí ká ibaamɔn maŋfal.