Popular Bible Verses from 1 Chroniques 16

Share

Nyàab̀maan ti-Dindaan nì u-pɔŋŋu, pée nyàab̀maan kí wāl̀ u-nimbiin.

Tí nyɔ̄ŋkì ti-Dindaan, di sá yii u ŋān̄, ní u-neeŋkpaandi bí ki cá jaanjaan!

Nlan ŋun bi nìn gāāyee sèé: Ní nyɔ̄ŋkìmaan ti-Dindaan kí yòon̄ u-yindi yilpu, ní yàntīmaan anibul kɔkɔ ń gbìl̄ atuŋkpaan ŋin u ŋáaǹee pu.

Ní nīn fàal̀maan u-circir yindi pu, nín̄ bímaan mmɔnni, nimbi bin nyàab̀ ti-Dindaanee.

Ní téetímaan maamaacib bin kɔkɔ u ŋée, nì atulim nì ibɔsoon in nyáń u-nyɔkɔnee pu.

Ní gāāmaan ilan kí pàkà-u, ní bɔ̀ɔ̀maan tibɔɔkaal kí nyɔ̄ŋkì-u. Ní māafìmaan atuŋkpaan ŋin kɔkɔ u túńee.

Di sá yii ti-Dindaan di sá ukpaan ní ki máaǹ inyɔŋki. U sá kuwambiiu ní ki jítiǹ awaa kɔkɔ.

Dāá nyɔ̄ŋkìmaan u-yiŋkpaandi. Cáaḿmaan ni-saraabi u-nimbiin. Bòom̄maan taapu ti-Dindaan nimbiin, ŋyunti ŋun u yaa lēē u-ba ki dàkēe.

U-nimbiin ní tikpaandi nì dibeel bí, mpɔn nì mmɔn gbí u-kɔŋkooŋŋun.

Duulinya kɔkɔ nib, gāāmaan ilan kí pàkà ti-Dindaan. Ŋwiin kamaayee, ní nīn báakí ki lì yii úǹ di sá Ufiil.

Māafìmaan atimbun kɔkɔ nib u-nyooti, kí māafìmaan duulinya kɔkɔn u-maamaaci tuuŋŋi.

«Ní taa gbēē bin m lútèe, kí taa ŋá m-bɔnaatiliibi tikpitil tiba.»

Anibul ŋin kíǹee waaŋi kaa bí tiban, ama ní ti-Dindaan di náań yilpu.

Ní taa pée súntí u-poondi pu dalba dalba, tibɔti tin u sòon̄ ki tīī anaantitɔntɔkɔ kutuku puee.

Kutagbɔŋu, nín̄ fàal̀, kitiŋ, nín̄ bí dipɔɔpindin! Lìmaan atimbun kɔkɔ nib cee yii: «Ti-Dindaan di sá ubɔti!»

Ní jāam̀maan ti-Dindaan Isirayeel Nimbɔtiu, kí nīn cá abin abin. Ní samaa kɔkɔ kíí yii «Ameeni! Nyɔ̄ŋkìmaan ti-Dindaan!»

Ntimu kɔkɔ nibuliŋ, dāá tīīmaan ti-Dindaan tinyool, ní bāakìmaan u-nyooti nì u-pɔŋŋu.