Popular Bible Verses from Jeremiah 17

Share

Mu mawagahan nan tagun mange'kod hi nitaguanan Ha"in an Dios, at hay ipaddunganda ya nan a'ayiw an nitanom hinan neheggon hinan way ginnaw an dimmatong di lamutdah nan way danum. At hiyanan ta"on hi un mabayag an umugaw ya hihidyan munlangtay tubuda, ya bumungadah nan gutud di bumungaanda.

Hay aat di nomnom di tagu ya nidugah an bumalbalih an amin hi logom ti nihimung an na"appuhi. At naligat an ma'awatan.

Mu Ha"in an Dios ya inila' di nomnomnomon di tatagu ya nan pohdondan aton. At hiyanan hay idat'uh lagbun nan hinohhan tagu ya nan miyunnudan hinan pangatna.

Ya inalin goh Apo Dios di, “Ha"in an Dios ya moltao' nan tatagun adi managgung ay Ha"in an hay pundenlanda ya nan abalinan di tagu. Hay ipaddunganda ya nan a'ayiw an nitanom hinan mapulun, at hiyanan mi'id di hohoddon hi pumhodandah udum hi algaw.

At odowo' an ipaphoda' ni' ahan ay He"a, Apo Dios, ti He"a ya anggay di mamaliw ay ha"in, ya He"a ya anggay di daydayawo'.