Popular Bible Verses from AROOMA 12

Share

Bûtikaathingatîîre bûra bara barî ba nthîgûrû barûthaga. Îpaani Ngai kaanya abûgarûre abwe mathûgaanio mangî. Rîru i rîo bûkaûmba kûmenya bûra eendaga kûrûthwa, bûra bwega, bûra bûmûkenagia, na mûkarîre wa mwîtîgîri ûmûkûrû.

Kwoogu, aruayia na aarayia, n'ûntû bwa kîao kîa Ngai, inkûbûûria bwînenkanîre kîrî Ngai bûrî igongwana bîri mwoyo. Mûtûûrîre wenu nwîgue ûrî mûtûûrîre ûmûtheru na ûkûmûkenia. Înu n'yo njîra ya kûmûtûmîkîra bûra kwagîrîte.

Kenagaani rîonthe n'ûntû bûrî na wîrîgîîro. Ûmagîîriani rîra bûrî thîînaani. Rombagaani rîonthe.

Bûtikaareke ûthûûku bûbûkîria inya. Bûkîrieni inya na kûrûthaga mantû meega.

Endanagaani ta antû ba mûciî ûmwe. Tîîyagaani bara bangî nkûrûki ya bûra bwîtîîyaga.

Endagaani bara bangî, na beendageeni kwenda kwa mma. Menagaani ûntû bûûthûûku. Rûmagîîraani ûntû bwega.

Tûûranagiani na antû bonthe na ûkiri bûra kûûmbîkana.

Eendwa, bûtikaarîagie ûthûûku bûrî biû. Rekagîriani Ngai oonagie muntû ta ûyu mûthûûro wake, n'ûntû kwandîkîîtwe *Maandîkooni Maatheru, “ ‘I niû nkaabûrîagîria bara babûrûthagîra mantû maathûûku,’ ûgu i bu Mwathani augîîte.”

Bûtikaathire wîru. Rutagaani ngûgî na inya, rutagîraani Ngai ngûgî na nkoro yenu yonthe.

N'ûntû bwa kîewa kîa mwanya kîra Ngai ampete ndî mûtûmwa, ndîbwîra muntû atikeethûkie taka arî gîtûmi mûno nkûrûki ya bûra arî. Muntû neethûkagie bûra kwagîrîte kûringana na bûra wîtîgio bûra Ngai amwete bûgana.

Muntû akaaya gûkûrûthîra ûntû bûûthûûku, ûtikaamûrûthîre ûthûûku. Geragiani kûrûthaga bûra antû bonthe bakoonaga bûrî bwega.

Tûûranagiani na ngwatanîro na bara bangî bacienu. Bûtigeekumagie, îgwatanagîraani na bara beenyiagia. Bûtikeethûkagie bûrî baûgî nkûrûki ya bûra bûrî.

Kwoogu bantû a kûrîithia, ta bûra *Maandîko Maatheru maugîîte, “Weegua munthû waku narî na yûûra, mwe biakûrîa. Weegua narî na bûûta, mûkundie rûûyî. Ûkamûrûthîra ûgu nûkaamûûragithia nthoni n'ûntû bwa mantû mara akûrûthîrîte maathûûku.”

Thaarimagaani bara babûthîînagia. Bathaarimageeni, bûtikaabarîrîke. Kenagaani amwe na bara bagûkena. Rîragaani amwe na bara bakûrîra.

Rûmagiani antû ba Ngai bara barî na thîîna bira bûrî na bio. Gwatanagaani ûgeni.

Wata bûra mwîrî ûrî icuncî biingî na wakîra gîcuncî kîrî na ngûgî ya kîo, i ta bu gûkari kîrî mwîrî wa Kîrîstû, ta uu kanica. Amwe na kwîgua tûrî baingî, twinthe tûrî ba mwîrî ûmwe na tûgwatithanîîtue muntû na ûra ûngî.