Popular Bible Verses from AROOMA 11

Share

Bionthe biumaga kîrî Ngai, na bionthe bitwîrue n'inya yake, na birî oogo bitûmîka na njîra ya gûtûma akumua. Mwathani arookumagua tene na tene! Aameni.

N'ata Ngai arî ithaarimo biingîîte bûgana! N'ata arî ûûme na ûmenyo bwingîîte bûgana! N'ûû wacietû aûmba kûmenya mîbango yake? Kana n'ûû wacietû aûmba kûmenya bûra arutangaga ngûgî?

N'ûû aiyî bûra mathûgaania ma Mwathani makari? N'ûû aûmba kûmwatha?

Na kwoogu, kinya îîndî i bu gûkari. Kûrî na antû baakai bara Ngai athuurîîte kuumania na ûtugi bwake. Ngai abathuurîîte n'ûntû bwa ûtugi bwake, t'ûntû bwa ûntû bwega bûra baarûtha. Ûkeegua n'ûntû bwa ûntû bwega, ûtugi bûtiîtwa ûtugi.

Tathûkia ngerekano ya mûtî wa mûceituuni ûtemetwe mpong'i imwe, rwong'i rwa mûceituuni wa kîthaka rûkagwatithanua na uu. Woû ûtarî Mûyaundi ûkari ta rwong'i rûru. Mûceituuni ûra mûteme mpongi n'Ayaundi. Woû ka ûgwatithanîîtue na uu. Ûteethekaga kuumania na inya na mwoyo wa uu. Îmenyeera ûtigeekumîrie kwîgua woû ûrî ûmûgwatithanie na uu îîndî îra mpong'i imwe itemetwe kuuma kîrî uu. Ririkana woû ka ûrî rwong'i. Ti woû ûreraga mîri, i mîri îkûreraga.