Popular Bible Verses from KÛGWÛRÎRWA 14

Share

Ndeegua kayû kuuma îgûrû kambîîra, “Andîka ûûgû: Kuuma îîndî bara bagaakua beetîgîîtie Mwathani bakaathaarimwa nkûrûki.” Ndeegua Kîrundu auga, “I mma bakaanogoka mînoga ya ngûgî ira ûkeegua bararutaga, n'ûntû mantû meega mara ûkeegua barûthîîte makoonekana.”

Kwoogu i ta kuuga, antû ba Ngai bara baathîkagîra maathana maake barî eetîgua kîrî Yiesû, nwa mwanka beegue barî na kûûmîîria.

Augîîria na inya îra nene, auga, “Kuthûkagaani Ngai na mûkumagieni. Îgiita rîake rîgûkinya rîa kûgiitîra antû bonthe îgamba. Gongaani ûra aûmbire îgûrû, nthîgûrû, îria, na inyaka.”

Mûraîka ûngî wa bathatû aaya. Augîîria na inya îra nene, auga, “Ûra akaagonga nyamû îra, mûbuanaano wa yo, kana eekîrwe rwano rwa yo ûthiû kana njara, ûyu nakaanyua gîkombe kîa ndibei ya mûthûûro wa Ngai îtaunganîîtue na rûûyî. Na nakaathangîkua na mwanki wa ûbiriti mbere ya araîka baatheru, agu mbere ya Kagondu. Na ntoogo ya kûthangîkua kwao îgeetagia îgûrû tene na tene. Bara bakaagonga nyamû îra, mûbuanaano wa yo, kana beekîrwe rwano rwa riîtwa rîa yo batiinogoka kûrî mûthenya kana ûtugû.”

Ndaraitha ndoona Kagondu karûngi Kîrîmaani gîa Cayûni. Na ikwarî na antû ngiri îgana rîmwe, mîrongo îna na bana (144,000) barûngi na ko gûku Cayûni, baandîkîîtwe moothiû riîtwa rîa ko na rîa Îthe.

Ndoona mûraîka ûngî abuurûûkîrîte îgûrû maanganyoni. Mûraîka ûyu aarî na ntheto îmbega îra îgaatûûra tene na tene athiîte kûmîtûmîîria kîrî bara batûîre nthîgûrû—mîgongo yonthe, mîîrîga yonthe, nthiomi cionthe na antû ba rangi cionthe.

Gwacooka kwaya mûraîka ûngî, wa baîrî. Auga, “Taûni înene ya Mbabironi îkwomorangwa, îkwomborangwa! N'yo îratûmaga antû ba mîgongo yonthe banyua ndibei ya wîrirîîria bwa ûmaramari.”