Popular Bible Verses from AIBIRANIA 4

Share

Kiugo kîa Ngai i ta gîntû kîrî mwoyo na kîrî inya. Ûûgî bwa kîo i nkûrûki ya bwa rûyiû rwa gûtema na mbarî irî ciîrî. Gîtûtemaga gîgakinyîîra mwoyo na nkoro gîkoonania bûra mawîrîîria na mathûgaanio ma nkoro cietû makari, ta bûra rûyiû rûûmba gûtema mîndî rûgakinyîîra ûthuumo.

Kwoogu itwîgue tûrî na ûcamba tûthengeere gîtî kîa ûnene kîa Ngai ûra eeyanaga ûtugi kaingo atwîgua kîao na atwa ûtugi bwa gûtûteethia rîra tûrî thîînaani.

Mûthînjîri wetû ûra mûnene namenyaga kûra tûremagîîrwa n'ûntû aragerua na njîra cionthe ta bûra tûgeragua, îndî ateeyia.

Gûtirî kîûmbe kîîbiithîra kiugo. Mantû monthe imaagwûre na ibûûrîîni marî kîrî we. N'we twinthe tûkeera mantû mara twarorûtha.

N'ûntû tûrî na mûthînjîri ûra mûnene mûno wa Ngai, ta we Yiesû Mwana wa Ngai, ûra aathiire îgûrû, tûbatîîrue tûrika wîtîgioni bûra twîtîgîîtie.

Kwoogu tûcûûgieni na njîra cionthe tûthi kînogokooni gîku, kaingo gûteegua kûrî we atakîthi noogo n'ûntû bwa kûrûtha ta bûra bara baaregire kwathîka baarûthire.