Popular Bible Verses from AGARATIA 6

Share

Tûtikaanoge i kûrûtha mantû meega n'ûntû twaûmîîria tûgaaketha kagiita gaakinya.

Kwoogu, rîra tûrî na kaanya tûbatîîrue tûrûthagîra muntû wonthe mantû meega, na mûno mûno, aruayia na aarayia bo barî na wîtîgio bûmwe na bwetû.

Twaranagiani mîrigo. Na bwarûthaga ûgu ûkeegua bûkiingia watho bwa Kîrîstû.

Bûtikeebenie mana. Muntû atiûmba kweneeria Ngai. Kîra muntû akaanda i kîo agaaketha.

Ûra aandaga mantû ma mûtugo wa kîîmuntû, ta uu wa wîyia agaaketha gîkuû. Îndî ûra aandaga mantû ma gîîkîrundu agaaketha ûtûûro bwa tene na tene kuumania na Kîrundu.

Aruayia na aarayia, ûmwe wacienu akaaya kûgwa meeyiani, bara bûrî agima gîîkîrundu geriani kûmûteethia acooke kûrûthaga bûra kwagîrîte. Îndî ingî ti na ûgîti. I mpoora, bûkîmenyagîîra bûtikaaye kûthûngîra magerioni na biû.

Ûkaaya kwîgua muntû eebonaga taka arî wa gîtûmi, ûyu i kwîbenia eebenagia, atirî nwa mûthigi. Îndî woora muntû nathime mûkarîre wake we wengwa. Ûkaaya kwîgua ûrî mûkarîre ûmwega, rîru muntû nwa akeneere uu, n'ûntû bwa mantû mara arûthîîte arî we. Îndî t'akîîbuanaanagia na bûra muntû ûngî arûthîîte. Woora muntû akaûrua n'ûntû bwa mûkarîre wake.