Popular Bible Verses from AGARATIA 5

Share

Îndî maciaro ma Kîrundu i wendo, nkena, ûkiri, kûûmîîria, kwîganagîîrua kîao, wega, wîtîgio, ûbooreeru, na kûrega mîîrî yetû îtwatha bûra îkwenda. Na gûtirî watho bûûmba kûrega kûgwatanîra na mantû ta mamu.

Bûra nkûbwîra n'atî tûûragaani kwa inya ya Kîrundu na mûtugo wa kîîmuntû, ta uu wa wîyia ûtibûûmba.

Kwoogu ûkeegua tûtûûraga na Kîrundu, ga tûtongorague n'we ûtûûrooni bwetû.

Antû bara barî ba Yiesû Kîrîstû ibaambire mûtharabaani mûtugo wa kîîmuntû amwe na wîrirîîria bwa uu bûûthûûku.

Mantû maathûûku ma mûtugo wa kîîmuntû i maiyîkeene. Na mo i ta ûtheria, ûmaramari, mantû ma rûko, kûrombaga ngai cia ûrongo, ûrogi, gûtumana ûthû, gûcûanîra ûgîti, rûriitho, mûthûûro, kwenda kûgîta wenka, nkarari, kwathûkana, kwîrirîîria, ntogoona, biatho bitaagîrîte, na mantû mangî ta mamu. Ka mbûkaanieni kaîrî wata bûra mbûkaanîîtie na tene ndabwîra atî, antû bara barûthaga mantû ta mamu batiewa rûgai ûneneeni bwa Ngai.

Biû, aruayia na aarayia, Ngai ataabwîta bûtuîka nkombo. Îndî amwe na kwîgua bûrî baathaûre, bûbu bûtigaatûme bûreka mantû ma nthîgûrû îno mara mîîrî yetû îîriragîîria mabweneeria. Bûbatîîrue bûteethanagia bûkîendaga.

Bûra mûtugo wa kîîmuntû wendaga ûtigwatanagîra na bûra Kîrundu eendaga. Kîrundu na mûtugo wa kîîmuntû bitigwatanîra. Na n'ûntû birî biîrî bikaraga bikîrûaga, ûtiûmba kûrûtha bûra ûkwenda ûrî woû na bwaku.

Ûkaingia yathana rîra rîmwe riugîîte, “Enda mûtûûri waku ta bûra wîbendeete,” ûkwathîkîra bûra maathana monthe meendaga.

Tûtigeekumagie, tûtigaacûanîre ûgîti, na tûtikeeganague rûriitho.

Tûtirî ûkombooni kaîrî. Kîrîstû naatûkûûrire twauma ku. Kwoogu rûngamaani bwîrikîîtie. Na bûtigaacookere gîcooki gîa ûkombo kaîrî.