Popular Bible Verses from 1 PETÛRÛ 2

Share

Îndî biû bûrî bara Ngai athuurîîte. Bûrî athînjîri ba mûciî wa ûnene wa Ngai. Bûrî antû baatheru bara Ngai atuîkithîîtie antû baake ba mwanya. Ngai aabûthuurire bwîra antû bûra wega bwake bûgana. N'we aabwîtire bwauma mwinduuni bwaya werûûni bwake bwa kûrigaria.

Kîrîstû naathûkiirie meeyia meetû na mwîrî wake arî we rîra aakuire mûtharabaani kaingo tûkua kîrî meeyia, tûtûûra tûkîrûthaga mantû mara maagîrîte. Bworeetue kuumania na gûtonyangwa kûra Kîrîstû aatonyangirwe. Kûrî rîo bwakari ta ng'ondu ciûrîîte. Îndî îîndî ibûcookeete kîrî Mûrîîthi wenu, ta we Mûmenyeeri wa mîoyo yenu.

Kûrî rîo bûtaarî antû ba Ngai, îndî îîndî bûrî antû baake. Na kûrî rîo bûtaakinyagîrwa i kîao kîa Ngai, îndî îîndî ikîbûkinyîîrîîte.

Kwendekanaga kaana kaniini gakundua îria kaingo gakûra. Naabi kaingo bûkûra [bwonokua], bûbatîîrue bwendaga gûkundua îria rîîtheru, ta rîo kiugo kîa Ngai.

Eendwa, nthîgûrû îno bûkari ta ageni. Kwoogu ka mbûkaanieni. Bûtikaarûthe mantû maathûûku mara mîîrî yenu yendaga kûrûtha, mara marûaga na bûra mîoyo yenu yendaga. Menyagîîraani mûkarîre wenu kîrî bara bateetîgîîtie Ngai. Baûmba kûbûtuîrîîra bakauga ibûrûthîîte mantû maathûûku. Îndî bakaaya kwona bûrûthaga mantû meega bagaakumia Ngai ntugû îra antû bonthe bakaagiitîrwa îgamba.

Wana biû bûrî maiga marî mwoyo. Ngai arîbûtûmîra gwaka nyomba întheru ya gîîkîrundu. Gûku nyomba înu i ku bûkaamûgongagîra na i ku bûkaamûrutagîra ngûgî bûrî athînjîri baake baatheru. Bûkaamûrutagîra igongwana bia gîîkîrundu gûkûrûkîîra kîrî Yiesû Kîrîstû akabiîtîgîîria.

Kwoogu bûtigaacooke kûrombeeria bara bangî mantû maathûûku kana bwenania. Rûthagaani mantû bûtakwîbuithia. Bûtigaatuîke antû ba rûriitho kana bwaria mantû maathûûku îgûrû rîa antû bara bangî.

Ncûûni kîrî Yiesû Kîrîstû. We n'iiga rîrî mwoyo rîra rîaregirwe n'antû bakîonaga rîtarî na gîtûmi. Îndî Ngai aarîtaarire rîrî rîa gîtûmi kîînene mûno.

Bûtigaakare ta nkombo cia wîyia. Îndî amwe na kwîgua bûtirî nkombo, menyaani bûbu bûtûma bûrûtha ûthûûku. Tûûragaani bûrî nkombo cia Ngai.

Ngai eendaga bûrûtha mantû meega kaingo bûtûma bara baaragia waa batiga kwaria mantû maataku îgûrû rîenu.