Popular Bible Verses from 1 PETÛRÛ 1

Share

Ga tûkumie Ngai Îthe wa Mwathani wetû Yiesû Kîrîstû. N'ûntû bwa bûra arî kîao mûno naatûmire tûciarwa îciarwa rîa maîrî kaingo atwa wîrîgîîro bwa mma bwa mwoyo wa tene na tene na njîra ya kûriûkia Yiesû Kîrîstû. Na wîrîgîîro bwetû i rûgai rûra rûtaûmba kwînyangîka, kûthûûka, kana kûthira. Na rûgai rûru bwaigîrîtwe ru îgûrû.

Kwoogu keneeraani ûgu wana weegua îîndî nwa mwanka kwa îgiita rîîkai bûnyamaarue i magerio ma mîthemba mwanya mwanya. Gîtûmi kîa magerio mamu i kûthima wîtîgio bwenu kaingo bûmenyeka kana i wîtîgio bwa mma. Wîtîgio bwenu bûgeragua ta thaabu bûra îkembûragwa na mwanki. Îndî wîtîgio bwenu i bu bûrî gîtûmi mûno nkûrûki ya thaabu. Wîtîgio bwenu bwooneka i bwa mma ûkeegua kûrî na ûkumio, mwago, na gîtîîyo rîra Yiesû Kîrîstû akoonanua.

Îîndî îgaguani bûrî baatheru mantûûni monthe mara bûkaarûthaga, ta bûra Ngai ûra aabwîtire arî ûmûtheru. Kwandîkîîtwe *Maandîkooni Maatheru, “Îguani bûrî baatheru n'ûntû ndî ûmûtheru.”

Karagaani ta aana aathîki ba Ngai. Bûtigaacookere mîkarîre îra bwarî n'yo mbereeni rîra bwathingataga mawîrirîîria meenu maathûûku rîra bûtaiyî Ngai.

Kwoogu îthuuranîreeni mathûgaaniani meenu. Îmenyagîîreeni na gûtarî ûntû bûngî bwîgwetie îrîgagîîraani kwewa kîewa gîa ûtugi rîra Yiesû Kîrîstû akoonanua.

Na wata bûra kwandîkîîtwe Maandîkooni Maatheru, “Mwîrî wa muntû ûkari ta nyaki. Mwago unthe muntû arî ûkari ta wa maûa. Nyaki yaûma maûa imaûrûrûkaga. Îndî kiugo kîa Mwathani kîo gîgaatûûra tene na tene.” Na kiugo gîku i ntheto îmbega îra bwatûmîîrue.