Popular Bible Verses from FAAALIGA, 14

Share

Na ou faalogo foi i le leo mai le lagi, ua faapea mai ia te au, Ia e tusi, Amuia ē ua oti, o e ua oti o i le Alii e amata i nei ona po. O lea lava, ua fetalai mai ai le Agaga, ina ua latou malolo i a latou galuega tiga; o a latou galuega foi e mulimuli ia te i latou.

O le mea lenei ua i ai le onosai o le au paia; o le mea lenei ua i ai e ua tausi i poloaiga a le Atua ma le faatuatua ia Iesu.

ua faapea atu ma le leo tele, Ia outou matatau i le Atua, ma avatu ia te ia le viiga, auā ua oo mai le itu aso o lana faamasinoga; ma ia outou ifo i le na faia le lagi, ma le fanua, ma le sami, atoa ma puna o vai.

Ona mulimuli atu ai lea ia te i laua o lona toatolu o agelu, ua faapea atu ma le leo tele, Ai se tasi e ifo i le manu feai ma lona faatagata, ma talia le faailoga i lona muaulu po o lona lima, e inu lava ia i le uaina o le toasa o le Atua, ua liligiina atu e le suia i le ipu o lona toasa, e puapuagatia foi ai i le afi ma le teio i luma o le au agelu paia ma luma o le Tamai mamoe; o le asu foi o lo latou puapuaga e alu ae e faavavau faavavau lava; latou te le maua foi se filemu i le ao ma le po o e ua ifo i le manu feai ma lona faatagata, ma se na te talia le faailoga o lona igoa.

Na a‘u iloa, faauta foi, ua tu mai le Tamai mamoe i le mauga o Siona, ua faatasi foi ma ia tagata e selau afe ma afe e fa sefulu ma le fa o afe, ua tusia le suafa o lona Tamā i o latou muaulu.

Na a‘u iloa foi le tasi agelu ua lele i le taulotoaiga o le lagi, ua ia te ia le tala lelei e faavavau e folafola atu i e nonofo i le lalolagi i atu nuu uma, ma itu aiga, ma gagana eseese, ma nuu

Ona mulimuli atu ai lea o le tasi agelu, ua faapea atu, Ua paū, ua paū Papelonia o le aai tele, auā ua ia faainu i nuu uma i le uaina o le toasa i lana faitaaga.