Popular Bible Verses from FAAALIGA, 13

Share

O le mea lenei ua i ai le poto. O le ua i ai le mafaufau ina faitau ia o ia i le faitau aofai o le manu feai; auā o le faitau aofai lea o le tagata; o lona faitau aofai foi, E ono selau ma le onogafulu ma le ono.

Ua ifo foi ia te ia o i latou uma o e nonofo i le lalolagi, ē ua le tusia o latou igoa i le tusi o le ola a le Tamai mamoe na fasia talu ona faavaeina o le lalolagi.

Ua faia foi e ia ona ia faailogaina o tagata uma, o tagata nuu atoa ma alii, o e mauoa ma e matitiva, o e sa‘oloto ma e pologa, ia faailogaina i latou i o latou lima taumatau, po o latou muaulu; ina ia le mafaia ona faatau mai pe faatau atu e se tasi, tau lava o e ua i ai le faailoga, po o le igoa o le manu feai, po o le faitau aofai o lona igoa.

Ai se na te ta‘ita‘iina nisi faatagataotaua, e alu lava ia faatagataotaua; ai se na te fasiotia i le pelu, e tusa ona fasiotia o ia i le pelu. O le mea lena ua i ai le onosai ma le faatuatua o le au paia.

Ua ou tu i le oneone i le matafaga; ona a‘u iloa ai lea o le manu feai ua alu ae nai le sami, e fitu ona ulu ma ona nifo e sefulu; ua i ona nifo foi o palealii e sefulu, ua i ona ulu foi o le igoa faifai.

Ua tuuina atu foi ia te ia ia tau le taua ma le au paia, ma ia manumalo ia te i latou; ua tuuina atu foi ia te ia e pule i itu aiga uma, ma gagana eseese, ma nuu.

Ua ia faasese foi i e ua nonofo i le lalolagi ona o ia faailoga ua tuuina atu ia te ia na te faia i luma o le manu feai, o loo fai atu ia i e ua nonofo i le lalolagi latou te faia se faatagata o le manu feai e ona le manua i le pelu a ua ola. Ua tuuina atu foi ia te ia na te avatua le mānava i le faatagata o le manu feai, ina ia tautala le faatagata o le manu feai, ma ia faia ina ia fasiotia i latou uma o e le ifo atu i le faatagata o le manu feai.

O le manu feai foi na ou iloa, e pei o le nameri, o ona vae foi e pei o vae o le urosa, ma lona gutu e pei o le gutu o le leona. Ua tuuina atu foi ia te ia e le tarako lona malosi, ma lona nofoālii, ma le pule tele.

Ua avatu foi ia te ia le gutu e tautala ai i upu tetele ma upu faifai; ua tuuina atu foi ia te ia le pule e tau ai le taua i masina e fagafulu ma le lua.

Na a‘u iloa foi le tasi o ona ulu e peiseai ua foa a mate; a o lona foa na fai a mate ai ua mafu, ona ofo ai lea o le lalolagi uma ma latou mulimuli atu i le manu feai.

Na a‘u iloa foi le tasi manu feai ua alu ae nai le fanua, ua i ai foi ona nifo e lua pei o nifo o se tamai mamoe, a ua tautala ia pei o se tarako. Ua fai foi e ia le pule uma a le uluai manu feai i ona luma; ma ua faia e ia ona ia ifo o le lalolagi ma e ua nonofo ai i le uluai manu feai, o le ua mafu lona foa na fai a mate ai