Popular Bible Verses from EPERU, 13

Share

Ia aunoa a outou amio ma le matapeapea; ia gata ia o outou manao i mea ua ia te outou; auā ua fetalai mai o ia, Ou te le tuua lava oe, ou te le tuulafoai lava ia te oe.

O Iesu Keriso e le liu lava ia o ananafi, ma le asō, e oo foi i le faavavau.

O le mea lea tatou te mafai ai ona fai atu ma le faamalosi, O le Alii o lo‘u fesoasoani ia, ou te le fefe lava i se mea e faia e tagata ia te au.

Aua le galo ia te outou ona agalelei ma alolofa atu; auā o taulaga faapena e fiafia ai le Atua.

O lenei, o ia tatou te avatu soo ai le taulaga o le viiga i le Atua, o le fua lea o tatou laugutu, o loo faafetai atu i lona suafa.

Ia lelei le faiavā i tagata uma, o le moega foi ia leai sona leaga; e faasalaina e le Atua o e faitaaga ma e mulilulua.

Aua le galo le alofa i tagata ese; auā o lea ua talia ai e isi o agelu ma le le iloa.

A o le Atua e ona le manuia, o le na toe faatuina mai nai e ua oti le Leoleo mamoe sili, o lo tatou Alii o Iesu, ona o le toto o le feagaiga e faavavau, ia faaatoatoaina outou e ia i galuega lelei uma lava, ina ia outou faia lona finagalo, ia galue o ia i totonu ia te outou le mea e mālie i ona luma, ona o Iesu Keriso; ia ia te ia le viiga e faavavau faavavau lava. Amene.