Popular Bible Verses from FAILAUGA, 5

Share

Aua le faavave lou gutu, aua foi le faataalise lou loto e fai atu se upu i luma o le Atua; auā o i le lagi le Atua, a ua e i le lalolagi; o le mea lea ia itiiti ai au upu.

E taitasi foi le tagata ua foaiina e le Atua ia te ia le tamaoaiga ma le oloa tele, ma ua foai e ia ia te ia ia mafai ona ‘ai ai; ia fai foi lona tofi, ma olioli i lana galuega; o le mea foaiina e le Atua lea.

O le ua manao i le ario, e le mălie o ia i le ario; o le ua manao foi i le oloa tele, e leai sana mea e maua ai; o le mea faatauvaa foi lea.

Ia e faaeteete i ou vae pe a e alu i le fale o le Atua; ia e faalatalata atu foi e faalogologo, a e aua le faalatalata atu e avatu le taulaga a e valelea; auā latou te le iloa ua latou faia le mea leaga.

Pe a e tauto i se tautoga i le Atua, aua e te faatuai ona avatua; auā e le fiafia lava o ia i e ua valelea; ina e faia le mea ua e tauto ai.

E sili ona lelei ona e le tauto, i lou tauto a e le avatua.

E lelei le moe o lē faigaluega, pe itiiti, pe tele ana mea e ‘ai; a o le ma‘ona o le mauoa e le mafai ai ona moe o ia.

E pei ona sau o ia o le lavalavā mai le manava o lona tinā; e toe foi atu lava o ia e faapei ona ia sau; e le ave foi e ia se mea ai lana galuega e alu ma ia.