Popular Bible Verses from FAILAUGA, 4

Share

E sili ona lelei o le toalua i le toatasi; auā ua ia te i laua le taui lelei i la la galuega. Auā afai e paū le tasi e faatuina o ia i luga e lē la te toalua; oi talofa foi i le ua toatasi pe a paū, auā e leai sē la te toalua e faatu ia te ia i luga.

Afai foi e faamanumalo mai se tasi i so laua, e teteeina atu o ia e le toalua; o le maea foi e sāutuatolu e le vave motusia.

Afai foi e taooto faatasi le toalua, e mafanafana ai i laua; a e faapefea ona mafanafana o le ua toatasi?

E sili ona lelei o se luutaga e tasi ma le filemu, i luutaga e lua ma le tiga, ma le ‘ai i le matagi.

Ona ou manatunatu lea i galuega tiga uma, ma galuega manuia uma; a ua matauaina le manuia uma; a ua matauaina le tagata ona o lea mea e lē la te tuaoi. O le mea faatauvaa foi lea, ma le ‘ai i le matagi.

E sili ona lelei o le tama e mativa a e poto, i le tupu e toeaina a e valea, ma le le toe fia a‘oa‘oina.