Popular Bible Verses from I. IOANE, 4

Share

E leai se fefe i le alofa, a o le alofa atoatoa e faateaeseina ai le fefe; auā o le mea tiga le fefe; o le ua fefe, e le faaatoatoaina o ia i le alofa.

O outou, le fanau e, mai le Atua lava outou, ua outou manumalo foi ia te i latou, auā e sili o ia ua ia te outou, i le ua i le lalolagi.

O i tatou, ua tatou alolofa ia te ia, auā na ia muai alofa mai ia te i tatou.

Le au pele e, ia tatou fealofani; auā mai le Atua le alofa; o i latou uma foi o e alolofa ua fanau mai i latou mai le Atua, ua iloa foi e i latou le Atua.

O se le alofa ua le iloa e ia le Atua; auā o le Atua, o le alofa lava ia.

O le alofa lava lenei, e le ona ua tatou alofa i le Atua, a ua alofa mai o ia ia te i tatou, ua na auina mai foi lona Alo o le togiola mo a tatou agasala.

Le au pele e, afai ua faapea ona alofa mai o le Atua a te i tatou, e tatau ai ona tatou fealofani.

O le mea lava lenei ua faaalia mai ai le alofa o le Atua ia te i tatou, ina ua auina mai e le Atua lona Alo e toatasi i le lalolagi, ina ia tatou ola ia te ia.

Pe afai e faapea mai se tasi, Ou te alofa i le Atua, a e ita i lona uso, o le pepelo lava ia; auā o le le alofa i lona uso ua ia vaai atu i ai, pe mafai faapefea ona alofa o ia i le Atua ua ia le vaai atu i ai.

O sē ta‘utino atu, o Iesu o le Alo o le Atua o ia, o loo tumau le Atua i totonu ia te ia, o ia foi o i totonu o le Atua.

O lenei foi le poloaiga ua tatou maua mai ia te ia, o lē alofa i le Atua ia alofa foi o ia i lona uso.

Leau pele e, aua tou te faalogo i agaga uma lava, a ia outou tofotofo i agaga pe mai le Atua i latou; auā e toatele perofeta pepelo ua o atu i le lalolagi. O le mea lenei tou te iloa ai le Agaga o le Atua, O agaga uma o e ta‘utino, ua maliu mai Iesu Keriso i le tino, mai le Atua lava i latou.

A o agaga uma o e le ta‘utino, ua maliu mai Iesu Keriso i le tino, e le mai le Atua i latou; o lo le anetikeriso lava lenei ua outou faalogo ai o le a sau, o loo i ai nei i le lalolagi.