Popular Bible Verses from มา​โค 2

Share

เย​ซู ไฮ์ นิ่น บัว ฮนั้ง น้าย นอ ก๊อง, นิ่น ฯฒฯ เตา, “หวั่ง เสียง เญย เมี่ยน ไม้ เฉียม หฒุ เดีย-ไซ. ขูง ปุ๊ด-แป่ง เมี่ยน ฮนั้ง เฉียม หฒุ เดีย-ไซ. เยีย ไม้ เฒ์ย ต้าย เห่ว คู้ เมี่ยน. เยีย ต้าย เห่ว เม่ง เต้า หว่าย เญย เมี่ยน.”

เย​ซู ปวัด น้าย เต๋ย เมี่ยน เสียน ตุ๊ หลง, นิ่น ฯฒฯ บั๋ว ปุ๊ด แป่ง-ไบ เมี่ยน, “ตอน อ่า, เม่ย เญย ฒุ์ย ตุ๊ กวั่ง ลิ์ว อ๊ะ.”

เย​ซู บั๋ว นิ่น บัว, “ทิน-ฮู่ง เหลียบ ตี้ง กง ฮนอย ต้าย เถง เมี่ยน, ไม้ เฒ์ย เหฒย เมี่ยน ต้าย เหว่ย ตี้ง กง ฮนอย.

มป่า เมี่ยน ธั้ม ไห่, ไม้ หน่อย ตุ๊ แป่ง เมี่ยน เถา เย​ซู เญย หฑะเฮมียน. นิ่น บัว ฯฒฯ แธะ ทง เปย๊า-ง่อ ต๋อย เหฒียง เย​ซู เยียม วั้ว นอม ต๋อง กู้ หงว่าย. แธะ ทง มี่ง, นิ่น บัว ฯฒฯ เฒาะ แป่ง เมี่ยน เปว๋ย เจี๊ยน จิ่ว ปู๋ง เหฌี่ย.

มป่า เยีย อ๋อย ปุน เม่ย บัว ฮิ้ว ตุ๊ เยีย, ป้าม เมี่ยน เญย ตอน, เยียม น้าย ป้าม เกน ม่าย หัด ม์า กวั่ง ฒุ์ย.” นิ่น ฯฒฯ บั๋ว หน่าย เต้า ปุ๊ด แป่ง-ไบ เญย เมี่ยน, “เยีย บั๋ว เม่ย, เจี์ย ซิน ต้าย, ต้อ เจี๊ยน เม่ย เญย จิ่ว หฑวน เปย๊า อ๊ะ.”

บั๋ว แป่ง-ไบ เมี่ยน, ‘เม่ย เญย ฒุ์ย ตุ๊ กวั่ง ลิ์ว อ๊ะ.’ ไฟ ‘เจี์ย ซิน ต้าย, ต้อ เจี๊ยน เม่ย เญย จิ่ว มี่ง อ๊ะ.’ น้าย เต๋ย อี โจ๋ว หว่า, หาย โจ๋ว เก้า เห่ ตุ๊ ก๊อง?

หฒวัง เมี่ยน หมั่ง เจี๊ยน วั้ว หฒั่น, น้าย เต้า เมี่ยน เลี่ยม เฒ่ย เจี์ย ซิน ต้าย ต้อ เจี๊ยน นิ่น เญย จิ่ว ธ้วด หมี่ อ๊ะ. นิ่น บัว เหยียด ฒู้ง บัวะ ฮ่อง ไห่ ฯฒฯ เธง ทิน-ฮู่ง. นิ่น บัว ก๊อง, “เยีย บัว เก้ง! ไม้ ปวัด เจี๋ย น้าย หญู่ง สี่.”