Popular Bible Verses from ฮิบ​ลู 13

Share

ไม้ ตู๋ง ปุน เม้า ญ่าน เญย เจ๊า กุ๊น เม่ย บัว เญย แหม่ง. เม่ย บัว ม่าย เญย, อ๋อย หฒุ ปวั๊ง เฮญี้ยว เหว่ย หฒุ ทิน-ฮู่ง ก๊อง, “เยีย เหยียด ลิ์ว ไม้ เล่ย เม่ย, เหยียด ลิ์ว หย่า ไม้ กวั่ง เม่ย.”

เย​ซู กี​ตู่ ไม้ ก๊อย เหยี่ยน. อะฮนอย, อี้ ฮนอย, เหยียด ลิ์ว ฟี่ ฮนั้ง เญย.

ฮนั้ง หน่าย บัว อ๋อย หฒุ ปู๋ง ตี่ง เฮญี้ยว ก๊อง, “เถง เยีย วั้ว เต้า เซ เฒี้ยว, เยีย ฯฒฯ ไม้ กั้ม เหฑีย. ป้าม เมี่ยน ไฮ่ โหฒว หาย หญู่ง ปุน เยีย?”

ไม้ ตู๋ง หละคุ โหฒว คู้ สี่, ล่าน หย่า เถง ล่าน. น้าย เต๋ย สี่ ฯฒฯ เป๋น เหฒี่ย เญย กะน้าย ปุน ทิน-ฮู่ง หอบ เฮญี้ยว.

ฮนั้ง หน่าย, บัว อ๋อย หฒุ เขา เย​ซู หฒั่นๆ หล่ง เธง ทิน-ฮู่ง เญย หว่า เหว่ย โหฒว เหฒี่ย เญย กะน้าย เหฒี่ย ปุน ทิน-ฮู่ง. น้าย เซ หล่ง บัว เญย ฑุ่ย เหญี่ยม นิ่น เญย บั๋ว วั้ว เต๋ย หว่า.

เต้าๆ อ๋อย หฒุ ท่าย ตอง จา เญย เล์ย, ขูง หล่ง กั้น เญย เอ๊า โหฆ จวั่ง โหธว เปว๋ย, เหว่ย หฒุ ทิน-ฮู่ง อ๋อย ตี่ง ปวั้ง เลี่ยว เญย เมี่ยน เหธา เหฮยียน เอ๊า เหฮยียน โหฆ เญย เมี่ยน เญย ฒุ์ย.

อ๋อย หฒุ จั๋ง เจี๊ยน หล่ง เฮญี้ยว ฒิบ ไม้ ปวัด เจี๋ย เญย แคะ เมี่ยน. ม่าย เต๋ย เมี่ยน ฒิบ แคะ ฯฒฯ ฒิบ หฒุ ฟิน-เมี่ยน หย่า เลี่ยม ไม้ ฮิ้ว.

โท้ เหธย แป้ง ออน เญย ทิน-ฮู่ง, ต้ง บัว เญย เฒี้ยว เย​ซู ไต่ มี่ง ปุน นิ่น นั่ง ต้าย วั้ว เต้า, ปุน เม่ย บัว ตุ๊ หญู่งๆ หลง เหว่ย เอย เจี๊ยน นิ่น เญย เอ๋ย โหฒว. หย่า โท้ ทิน-ฮู่ง หล่ง เย​ซู กี​ตู่ เยียม บัว กะญั์ว ปุน บัว โหฒว หญู่งๆ หอบ นิ่น เญย เฮญี้ยว. เย​ซู กี​ตู่ หล่ง นิ่น เญย ฑย้าม เหลียบ เจี์ย เหยียด ลิ์ว เยียม เญย แหง่ง หว่า หย่า โหฒว โก๋ว ปะกี ยู่ง เญย ต้ม เฒี้ยว. บัว อ๋อย หฒุ เหยียด ลิ์ว เธง นิ่น เถา หม่าน โก๊ว หม่าน ต่อย. อา​เมน.