Popular Bible Verses from โค​โล​สี 2

Share

เหว่ย น้าย, เม่ย บัว ฮนั้ง หาย นอ ฒิบ ลิ์ว กี​ตู่ เย​ซู โหฒว เฒี้ยว, ฯฒฯ อ๋อย หฒุ ฮนั้ง วั้ว นอ เหธา นิ่น จวั่ง แหม่ง เฒี่ยง เจี๊ยน. อ๋อย หฒุ เยียม นิ่น กะญั์ว ฮนั้ง เหฌี่ย ฑู่ง นอ, เหธย เจี์ย ต้าย เสียน ตุ๊ ว้วน, ฮนั้ง เมี่ยน หฌาว เจี๋ย เม่ย บัว นอ. หย่า อ๋อย หฒุ หฒั่นๆ แล์ง ฒี่ง ทิน-ฮู่ง.

อ๋อย หฒุ ไฝ ฟิม, ไม้ ตู๋ง ปุน หาย เต้า หล่ง ป้าม เมี่ยน เญย ธง-เม่ง ฮนั้ม ธ้วด ต้าย เญย เล์ย ไฟ ขูง-หว่า หวัก เม่ย บัว. เซ ดั๊ว เม่ย บัว กัน ป้าม เมี่ยน เญย เอ้ย โต้ว เหธา เยียม กุ๊น ด๊าม-ลู่ง เญย เมี้ยน ต้าย เญย เล์ย, ไม้ เฒ์ย เยียม กี​ตู่ ต้าย.

ฒิ่น ด่าง หลาย เม่ย บัว ป์าม ฒุ์ย, หย่า หลาย เม่ย บัว ไม้ เจี๋ย ก๊าด เญย เล์ย กวั่ง ป์าม ฒุ์ย เญย เฟียม-ฝีง, เม่ย บัว เซ ต๋อง ไต่ หมี่ อ๊ะ. มป่า อี้ หฒั่น ทิน-ฮู่ง ปุน เม่ย บัว เหธา กี​ตู่ นั่ง ต้าย หย่า กวั่ง บัว เญย เหยียด ฒู้ง ฒุ์ย. นิ่น เป๊ด กวั่ง ตี่ง บัว เญย ฒุ์ย เญย แฒะ-ตาน, ต้ง เฟี้ย เจี๊ยน เหธา บัว ต๋อย-เตก เญย เล์ย-หลัด. นิ่น เฒาะ มี่ง ตีง เจี๊ยน เหฒียบ หฑั่ง จ๋า หมี่ อ๊ะ.

เหว่ย หฒุ ทิน-ฮู่ง เญย เฟียม-ฝีง เยียม กี​ตู่ เญย ซิน ฑ่อย เหฑ่ง, เม่ย บัว เหธา กี​ตู่ จวั่ง แหม่ง เฒี่ยง ฯฒฯ หญู่งๆ ม่าย ฑ่อย. กี​ตู่ หย่า กุ๊น เหยียด ฒู้ง เยียม ด๊าม-ลู่ง ม่าย หลี่ง ม่าย ชะ กุ๊น สี่ วั้ว เต๋ย.

เหว่ย น้าย ไม้ ตู๋ง ปุน หาย เต้า เหว่ย เม่ย บัว หญั่น เญย ฮบ เญย, ไฟ เจี๋ย ฒิบ เญย เล์ย, ไฟ เปียะ เซียง-หฮลา เญย เล์ย, ไฟ ตี้ง กง ฮนอย เญย เล์ย, ต้าน เม่ย บัว. น้าย เต๋ย สี่ ขูง โหฒว ต้ง ลิ่น ปิ๋ว เม่ง ฆะฮ้า อ๋อย ต้าย เญย สี่ ฮนั้ง. มป่า เฒียน เญย เซ กี​ตู่.