Popular Bible Verses from Arumi 9

Share

Ndo Mulungu utsagula mutʼu yiye amuhenzaye amonere mbazi, ela kʼatsagula mutʼu kwa vivyo ndivyo ahenzavyo yiye mutʼu, hebu kwa chadiche.

Maana, Mulungu wamwamba Musa vivi, “Nindamonera mbazi mutʼu yeyosi nihenzaye kumonera mbazi, na nindamwajaliya yeyosi nihenzaye kumwajaliya.”

Ndo ninamuhenza mumanye kamare kukala, riro hata tsʼi ra kuuza. Maana, mwimwi mu adamu tu, na mwanadamu, kʼana haki ya kulumbana na Mulungu. Hwalani mufano wa nyungu. Nyungu kʼayiidima kamare kumuuza yiye muumbiwe kukala, “Kwadze we waniumba vino?”

Ndo Mulungu amuhenzaye kumonera mbazi, unamonera. Na amuhenzaye kumuhenda atsowe akili, unamuhenda akale vivyo.

Mwimwi munamanya kare kukala, muumbi wa nyungu achivuga ulongo, una haki ya kuumba utʼu auhenzao. Yiye phapho unaidima kwamula kuumba nyungu mbiri, mwenga akayihenda ya mahumizi ga chila tsʼiku, na yo yinjine akayihenda ya mahumizi ga ukati wa shuhuli.