Popular Bible Verses from Arumi 7

Share

Ndo mimi asena bee ni vivi: mimi mwenye mwiri, bee nihikirahikira Shariya ya Mulungu na moyo wangu tu. Ela chiratʼu chinivuhacho kuhenda dambi, chinanihenda nihikirehikire yo shariya ya dambi. Aa! Heka hata ni mugayi vino mino? Ni ani yendanitivya kulaa mazagazi gano garigo gananiulaga? Naalikwe Mulungu, anitivyaye kuchirira Bwana wehu Jeso Kʼirisito!

Mimi ninamanya mumo mwangu ndani, yaani ndani ya chiratʼu chinivuhacho nihende dambi, kʼamuna idzo. Maana, kuhenza kuhenda madzo ninahenza kamare, ela ninashindwa.

Mimi ninahenza nihende madzo, ela gago tsʼigo nihendago hata nihenda mai gotsʼigahenza.

Ndo nihendapho gotsʼigahenza, gago ganaonyesa kukala, tsʼimi nigahendaye, hata gahendwa ni yo dambi yiriyo mwangu ndani.

Ndo mimi ninaona nina shariya ya kukala, nichamba ninahenza nihende madzo, mai ndigo galairirago. Ko kwangu ndani, kunahamirwa ni Shariya yolaviwa ni Mulungu.

Na nihendapho gotsʼigahenza, vivyo vinaonyesa kukala, ninakubali Shariya ni mbidzo.