Enehu a chijeso, siswi nahumulikeni Mulungu, kwakukala, yiye ndiye aidimaye kumuhenda mwenderere kugwiririra kuluphiro renu kinyi. Gago ndigo gangu godzikala nichigagomba mumo mwangu kusumurirani Nguma Mbidzo. Yiyi Nguma Mbidzo yi dzulu ya Jeso Kʼirisito, na ndio udzumbe okala kʼaumanywa kulaa kare na kare. Ela vivi, Mulungu waungʼazira siswi kwa kumuhuma Jeso Kʼirisito. Na hata Maandiko ga agomvi a Mulungu gáusema chimbere, na vivi niusumurirwe kwa atʼu a viryomo vyosi, dza Mulungu ariyeko hata kare na kare arivyolagiza, kwa hata ao atʼu amukuluphire Jeso na kuno anamogopha.
Ndo nahumulikeni hata kare na kare yiye Mulungu, kwakukala, yiye ndiye Mulungu wa jeri hicheye tu, mwenye hekima yosi. Siswi nahumulikeni hata kare na kare, kwa gohuhendera kuchirira Jeso Kʼirisito! Amina.