Popular Bible Verses from Arumi 14

Share

Maana, ga halahala mazagazini mwa mutʼu atawalwaye ni Mulungu, ni kuhenda ga haki, kusagala na reri, na kuhamirwa, garigo gosi garehewa ni Roho wa Mulungu. Ela tsʼi ga kurya na kunwa tu! Kwa vivyo, amuhikirayehikiraye Jeso Kʼirisito na njira yiyo, unamuhamya Mulungu, na unahenzwa ni atʼu.

Siswi huchikala hu moyo, hu moyo kwa dzulu ya Bwana, na huchifa, hunafa kwa dzulu ya Bwana. Ndo siswi vivi hurivyo hu moyo, hwa Bwana, na hata huchifa, chisha hwa Bwana vivyo.

Ndo enehu a chijeso, siswi ukati wosi hunahenzwa huhende maneno gaahendago atʼu asagale phamwenga na reri, na ga kujengana chiroho.

Ndo siswi ajeso nahutsʼilamulaneni kahiri, itsʼiphokala, nahwamuleni kutsʼahenda maneno ga kwakwaza ndugu zehu a chijeso, hebu ga kwabitʼa.

Vivyo vinagwa sawa na gogombwa ni Bwana Mulungu mwakwe Maandikoni kukala, “Dza vivyo nirivyo moyo, chila mutʼu undamitʼa mavindi mbere zangu, na chila mumwenga undakubali kukala, mimi ndimi Mulungu wa jeri.” Ndo chila mumwenga wehu undaudzidza mwenye Mulungu, dzulu ya gakwe gosi gogahenda.

Enehu a chijeso, mwimwi akubalini ajeso ario ni atsanga. Na tsʼikaleni atʼu a zhogoro nao kwenda dzulu ya gago agaonago ni madzo, na gago agaonago ni mai.

Mutʼu kʼana haki kamare ya kumulamula muhendikazi wa mutʼu munjine, una makosa. Ga kulamula muhendikazi unahenda kaziye chividzo hebu tsʼivyo, yiyo ni kazi ya yiye mwandiki mwenye tu. Chitʼu ni kwamba, muhendikazi undahenda kaziye chividzo, kwakukala, Bwana undamwidimisa.