Popular Bible Verses from Mga Darahonon 4

Share

Bantayi an imo paghunahuna; kay burabod ini han imo kinabuhi.

Pag-inoinoha hin maupay an imo pagbubuhaton, ngan magmamainuswagon an bisan ano nga imo pagbubuhaton.

Ayaw gud pagyakan hin bisan ano nga diri matuod. Ayaw gud pag-ungay hin mga buwa ngan hin maglimbong nga mga pulong.

An pakaangkon hin kinaadman amo an gimamaupayi nga butang nga imo mahihimo. Bisan ano pa an imo maangkon, angkona gud an maupay nga pagsabot.

An dalan nga linalaktan han mga magtadong sugad han pagpunias ha kaagahon nga nagtitilamrag an iya kapawa tubtob ha pagsirang han bug-os nga adlaw. Kundi an dalan han mga magraogdaog sugad han gab-i hin kamasirom. Natutumba hira, kundi diri hira nakakakita han ira nahipakdolan.

Ayaw bayai an kinaadman, ngan pananalipdan ka niya; higugmaa hiya, ngan babantayan ka niya.

Dayuday hinumdomi an imo gin-adman. Kinabuhi mo an imo hinbaroan—bantayi ini hin maupay.

Ayaw pag-inupod-upod han magraot nga mga tawo. Ayaw pagsunod han susbaranan han mga magraot.

Mga anak ko, pamatii an igintutdo ha iyo han iyo amay. Pamati hin maupay ngan makakaangkon kamo hin hibaro.