Popular Bible Verses from Mga Darahonon 3

Share

Sarigi an GINOO ha bug-os mo kasingkasing. Ayaw gud pagtapod han imo kamaaram. Hinumdomi an GINOO dida han ngatanan nga imo ginbubuhat, ngan ipakikita niya ha imo an matadong nga paagi.

Ayaw gud paghunahuna nga maaram ka labaw han imo hinbabaroan; sugta la an GINOO ngan ayaw pagbuhat hin maraot.

Pagpasidunggi an GINOO pinaagi hin paghalad ngadto ha iya han gimamaupayi han ngatanan nga mga abot han imo tuna. Kon buhaton mo ini, mapupuno hin mga inani nga abot an imo mga buhos, ngan magsasapay hin bino an imo mga surudlan.

Ayaw gud bayai an kamaunongon ngan kamatinumanon. Ikwentas ini ha imo liog; isurat ini dida han imo kasingkasing.

Anak ko, kon busaan ka han GINOO, pamati hin maupay ngan karawata ini nga usa nga pahimangno ha imo. Binubusaan han GINOO adton iya mga hinihigugma, sugad nga binubusaan hin usa nga amay an iya pinaura nga anak.

Anak ko, ayaw hingalimti an akon igintutdo ha imo. Dayuday hinumdomi an iginpabuhat ko ha imo. Mahatag ha imo an akon pagturon-an hin hilawig ngan mainuswagon nga kinabuhi.

Palaran an tawo nga may-ada kinaadman ngan pagsabot. Darudamo pa an makukuha hini kay han salapi; marumahal pa ini ha imo kay hin bulawan. Marumahal pa an kinaadman kay hin mga alahas; waray bisan ano nga butang nga imo minahal in malabaw han kinaadman.

Kon makakahimo ka, pagbuhat hin maupay hadton mga nagkikinahanglan hini.

Gintuha han GINOO an tuna pinaagi han iya kinaadman; iginpahimutang niya an langit pinaagi han iya hibaro.