Popular Bible Verses from Ecclesiastes 5

Share

Panhunahuna anay san-o ka magyakan, ngan ayaw pagdalidali hin pagsaad sa Dyos. Aadto hiya ha langit ngan aanhi ka ha tuna, sanglit ayaw pagyakan labaw han angay mo igyakan.

Kon tagan han Dyos hin manggad ug hiagi in tawo, ngan pagpahimulosan ini niya, kinahanglan magpasalamat hiya ngan magpahimulos han iya ginkabudlayan, kay hatag ini han Dyos.

Kon nahigugma ka hin kwarta diri ka gud matunga; kon karuyag mo nga magriko, diri ka gud makakaangkon han ngatanan nga imo kinaruruyag. Waray la ini kapulsanan.

Paghinay kon makadto ka ha Templo. Mauruupay pa in pagkadto hin pag-aram kay hin paghalad hin mga unong, sugad hin lurong nga mga tawo nga diri maaram kon ano an matadong ngan an sayop.

Sanglit kon magsasaad ka sa Dyos, tumana ini dayon. Waray niya pagkinahanglan hin lurong, sanglit tumana an imo ginsaad.

Gabay ka pa diri magsaad, kay hin magsaad ka ngan diri nimo tumanon.

An tawo nga paragtrabaho bangin waray igo nga pagkaon, kundi maupay an iya pagkaturog ha gab-i. Kundi makuri mahingaturog in riko kay damo an iya nababarak-an.

Nabaya kita hini nga kalibutan sugad gud han aton pagkatawo dinhe nga waray gud naton dara. Bisan pa han ngatanan naton nga pagkabudlay, waray gud naton bisan ano nga madadara.