Popular Bible Verses from Ecclesiastes 4

Share

An duduha mauruupay han uusa la, kay makakagtrabaho hin maupay hira nga duha. Kon matumba an usa ha ira makakabulig hin pagbangon ha iya an ikaduha. Kundi kon nag-uusaan la in tawo ngan matumba hiya, makuri ini kay waray man mabulig ha iya.

An duha ka tawo makakaato hin pagsulong nga makakapirde hin usa la ka tawo. An pisi nga tinulotulo makuri mautod.

Kon mahagkot an panahon, nakakagdirig an duduha ngan papasoan hira, kundi uunanhon mo pagpapaso kon uusa ka la?

Bangin la, kundi mauruupay pa nga may-ada bisan gutiay la, ngan murayaw an hunahuna, kay hin pagkinabudlay ha ngatanan nga panahon han duha niya nga mga kamot, hin paniguro hin pagdinadakopan la han hangin.

Akon liwat hinbaroan an duro nga pagpanangusog han mga tawo basi hira magmainuswagon: kay naawa hira han mga butang han ira mga amyaw. Kundi waray la ini pulos. Sugad la ini hin pagdinakop han hangin.

Mahimo umuswag in tawo tikang ha kakablasan ngadto hin pagkahadi han iya nasod, o tikang ha prisohan ngadto hin trono, kundi kon ha iya pagkalagas, diri na hiya mamati hin sagdon, mauruupay pa ha iya in kablas nga batan-on kundi may-ada hibaro.