Popular Bible Verses from Deuteronomio 11

Share

Igtutdo ini ha iyo mga anak. Paghimangraw kamo hiunong hini kon aadto kamo han iyo balay ngan kon aadto kamo ha dalan, kon napahuway kamo ngan kon nagtratrabaho kamo.

“Hinumdomi ini nga mga sugo ngan tipigi ini ha iyo mga kasingkasing. Ighigot ini ha iyo mga butkon ngan ibutang ini nga tigaman ha iyo mga agtang basi diri niyo hingalimtan.

“Sanglit tumana niyo an mga sugo nga akon ighahatag ha iyo yana nga adlaw; higugmaa an GINOO nga iyo Dyos ngan pag-alagad hiya ha bug-os niyo nga kinasingkasing. Kon buhaton niyo ini, magpapadara hiya hin uran ha iyo tuna ha igo nga panahon nga magkikinahanglan kamo hin tubig, basi magkamay-ada niyo binhe, bino, ngan lana hin olibo

“Higugmaa niyo an GINOO nga iyo Dyos ngan dayuday sugta niyo an ngatanan niya nga mga balaod.

“Yana nga adlaw magpipili kamo han iyo karuyag: bendisyon o tunglo— bendisyon, kon pagsugton niyo an mga sugo han GINOO nga iyo Dyos nga ighahatag ko ha iyo yana nga adlaw; kundi tunglo, kon pagsupakon niyo ini nga mga sugo ngan bumulag kamo hin pagsingba hin iba nga kadiyosan nga waray pa gud niyo pagsingbaha.

Igsurat ini niyo dida han mga harigi ngan han mga portahan han iyo mga balay. Niyan mag-uokoy hin maiha kamo ngan an iyo mga anak didto han tuna nga iginsaad han GINOO nga iyo Dyos hin paghatag ngadto han iyo kaapoy-apoyan. Mag-uokoy kamo didto samtang may-ada pa langit ha igbaw han tuna.

Ayaw itugot nga mahibulag kamo han GINOO ngan asay niyo pagsingbahon ngan pag-alagdon in iba nga kadiyosan.