Popular Bible Verses from Deuteronomio 10

Share

“Yana, mga tawo han Israel, pamatii niyo an karuyag han GINOO nga iyo Dyos nga pagtumanon niyo: Tahora niyo an GINOO ngan tumana an ngatanan nga iya igsusugo ha iyo. Higugmaa hiya niyo, alagda hiya niyo ha bug-os niyo nga kasingkasing, ngan sugta niyo an ngatanan niya nga mga balaod. Ihahatag ko ini ha iyo yana nga adlaw para han iyo kaupayan.

An GINOO nga iyo Dyos amo an gilalabawi nga Dyos han ngatanan nga kadiyosan ngan GINOO han ngatanan nga mga ginoo. Dako, makagarahum, ngan makaaramdok hiya ngan angay hiya pagsugton. Waray hiya pinalabi ngan diri hiya nakarawat hin mga hukip.

Sanglit tikang yana pagsugot kamo han GINOO ngan ayaw na pagpatig-aha an iyo mga ulo.

Gintatalingoha niya nga katagan hin katadongan an mga ilo ngan mga balo nga kababayen-an. Nahigugma hiya han mga lumalangyaw nga nag-uokoy tampo han aton mga tawo, ngan nahatag hiya ha ira hin pagkaon ngan mga panapton.

Dayawa hiya niyo kay amo hiya an iyo Dyos, ngan hinkit-an niyo han iyo kalugaringon nga mga mata an dagko ngan urosahon nga mga butang nga ginbuhat niya para ha iyo.

Tahora niyo an GINOO nga iyo Dyos ngan hiya gud la an iyo pagsingbaha. Pagmatinumanon kamo ha iya ngan ha ngaran han GINOO pagsumpa kamo.

An GINOO an tag-iya bisan han gihihitaasi nga kalangitan; iya liwat an tuna ngan an ngatanan nga aada hini.

Sanglit higugmaa niyo an mga lumalangyaw, kay mga lumalangyaw kamo hadto anay didto ha Ehipto.