Popular Bible Verses from Ecclesiastes 3

Share

Amin a nagagawa diad tapew na dalin nagagawa ed panaon a pipilien na Dios.

Igegetar toy panaon na kianak tan say panaon na ipatey, say panaon na pantanem tan say panaon na panani, Say panaon na pampatey tay say panaon na pampaabig, say panaon na pangigeba tan say panaon na pamaalagey.

Igegetar toy panaon na panermen tan say panaon na panliket, say panaon na pandageyem tan say panaon na pansayaw, say panaon na panakdul tan say panaon na panarawian; say panaon na pananguban tan say panaon na ag pananguban.

say panaon na pampilat tan say panaon na pandait, say panaon na panolimek tan say panaon na pansalita, Igegetar toy panaon na pangaro tan say panaon na pambosul, say panaon na bakal tan say panaon na kareenan.

Igegetar toy panaon na pananap tan say panaon na pangibalang, say panaon na pantipon tan say panaon na pambantak

Amtak a mansiansiad ando lan ando ya amin iray gagawaen na Dios. Anggapoy nayarin iyarum ed sikara odino ekalen ed sikara. Onyay impaakseb na Dios, pian nawalaan itayoy panangigalang ed sikato.

Inkuankod siak a dili, “Sintinsiaan na Dios so inkatonung tan say kaogsan, lapud amin a bengatla tan amin a kimey et nagawa onung ed nigetar a panaon da.”