Popular Bible Verses from 1 Saray Taga Corinto 2

Share

Balet onung na ibabagay Masanton Sulat, “Ag ni anengneng odino nadngel na too, ag met ni anggan sinmibang ed nunot to, so imparaan na Dios ed saray mangarod sikato.”

Ta say toon anggapod sikatoy Ispiritu ag to awaten iray bengatlan iter na Ispiritu na Dios. Diad tuay tua, ag to ra natalusan; anggapoy kabaliksan da ra yad sikato, ta saray maispiritun bengatla natalusan ira labat diad panamegley na maispiritun panagnunot.

Balet say Dios impaamta to yad sikatayo diad panamegley na Ispiritu. Ta sokimaten na Ispiritu iray amin a bengatla, anggan saray sankaaraleman a getmay Dios.

Aliwan ispirituy sankamundoan no ag ingen Ispiritu na Dios so inawat tayo, pian naamtaan tayo ray amin a panangaroy Dios ed sikatayo.

Aliwan diad panamegley na makaayayat iran balikas a nanlapud kakabatay too so inkanak ed impansalitak tan impanpulong ko, no ag ingen diad panamegley na paneknek na Ispiritu tan say pakayari na Dios. Say pananisia yo sirin et ag niletneg ed kakabatay too, no ag ingen diad pakayariy Dios.