Popular Bible Verses from ГалатӀвийриз 6

Share

Хъсанвал авунин ара атӀумир. Чна хъсанвал авун давамариз хьайитӀа, са вахт къведа чна цанвайдалай бегьерни къахчуда.

Гьавиляй, гьикьван вахтунда и кар мумкин ятӀа, чна виридаз хъсанвал ийин, иллаки чи имандин стхайриз-вахариз.

КӀеве гьатайдаз даях хьухь. Гьа и кардалди куьне Месигьдин Къанун кьилиз акъудда.

Алцурар жемир: Аллагьдикай садавайни ягьанатариз жедайди туш. Инсанди, вуч цайитӀа, гьам гуьнни ийида.

Ни вичин гунагькар тӀул паталди са вуч ятӀани цайитӀа, ам, гьа гунагькар тӀулдин бегьер себеб хьана, телефни жеда. Руьгь паталди са вуч ятӀани цайида вичиз эбеди уьмуьр къачуда.

Стхаяр-вахар, са инсан са тахсирдин винел кьуртӀа, куьне, Аллагьдин Руьгь квай инсанри, ам дуьз рекьел хтун патал милайимвилелди адаз куьмек ая. Килиг гьа, куьнни гунагьра гьат тийидайвал хьурай!

Сада вич са затӀни тушиз зурба кас яз гьисабзаватӀа, ада вичи-вич алцурарзава. Къуй гьар сада вичин кӀвалахриз фикир гурай ва абур масадбурун кӀвалахрив гекъиг тавурай, анжах вичин кӀвалахралди дамахрай! Гьар садаз вичин пар авайди я.